തൃശ്ശൂര്: ഗുരുവായൂര് കോട്ടപ്പടിയില് ക്ഷേത്ര ഉത്സവത്തിനിടെ തെച്ചിക്കോട്ട് രാമചന്ദ്രന് ഇടഞ്ഞോടിയ സംഭവത്തില് മരണം രണ്ടായി. കോഴിക്കോട് നരിക്കുനി സ്വദേശി ഗംഗാധരന്, കണ്ണൂര് സ്വദേശി ബാബു എന്നിവരാണ് മരിച്ചത്. കാഴ്ചക്കുറവ് ഉണ്ടായിരുന്ന ആനയുടെ പിറകില് നിന്ന് ചിലര് പടക്കം പൊട്ടിച്ചതോടെയാണ് സംഭവത്തിന്റെ തുടക്കം. പടക്കത്തിന്റെ ശബ്ദം കേട്ട ആന പരിഭ്രാന്തനായി ഓടുകയായിരുന്നു. ആന ഓടുന്നതിനിടെ ശിരസ്സിലേറ്റിയിരുന്ന തിടമ്പ് ഗംഗാധരന്റെ മേല് വീണ് മരണം സംഭവിക്കുകയായിരുന്നു. ഭയന്നോടുന്നതിനിടെ സമീപത്ത് നില്ക്കുകയായിരുന്ന ബാബുവിന് ആനയുടെ ചവിട്ടേല്ക്കുകയും ചെയ്തു. ഇയാളെ ആശുപത്രിയില് പ്രവേശിപ്പിച്ചെങ്കിലും രാത്രിയോടെ മരണം സംഭവിച്ചു.
സംഭവത്തില് എട്ട് പേര്ക്ക് പരുക്കേറ്റിട്ടുണ്ട്. ആനയുടെ മുന്നില് നിന്നിരുന്ന മേളക്കാര്ക്കാണ് പരുക്കേറ്റത്. ഇവരെ കുന്നംകുളത്തെ സ്വകാര്യ ആശുപത്രിയില് പ്രവേശിപ്പിച്ചു. ഇവരുടെ നില ഗുരുതരമല്ലെന്ന് ആശുപത്രി അധികൃതര് അറിയിച്ചു. തൃശൂര് ജില്ലയിലെ പേരാമംഗലത്തുള്ള തെച്ചിക്കോട്ടുകാവ് ക്ഷേത്രത്തിന്റെ ആനയാണ് തെച്ചിക്കോട്ടുകാവ് രാമചന്ദ്രന്.
തിരുവനന്തപുരം : ഇ പി ജയരാജനുമായി ബന്ധപ്പെട്ട വെളിപ്പെടുത്തലുകളിൽ ബിജെപി സംസ്ഥാന ഉപാദ്ധ്യക്ഷ ശോഭാസുരേന്ദ്രൻ, കെപിസിസി അദ്ധ്യക്ഷൻ കെ സുധാകരൻ,…
അമരാവതി: ആന്ധ്രാപ്രദേശിലെ നാഷണൽ ഡെമോക്രാറ്റിക് അലയൻസ് വരാനിരിക്കുന്ന തെരഞ്ഞെടുപ്പിനുള്ള സംയുക്ത പ്രകടനപത്രിക പുറത്തിറക്കി. യോഗ്യരായ സ്ത്രീകൾക്ക് പ്രതിമാസം 1500 രൂപ…