ഗതാഗതക്കുരുക്കിൽ ശരണപാത ;ഇലവുംങ്കൽ എരുമേലി പാതയിൽ വാഹങ്ങളുടെ നീണ്ട നിര,ശബരിമല ഭക്തർ പ്രതിസന്ധിയിൽ

പത്തനംതിട്ട : ശബരിമലപാതയിൽ ഇന്നും വൻ ഗതാഗതകുരുക്ക്.ഇലവുംങ്കൽ എരുമേലി പാതയിൽ ഒന്നര കിലോമീറ്ററോളം ആണ് ഗതാഗത കുരുക്ക് നേരിടുന്നത്.അതേസമയം ഇലവുംങ്കൽ പത്തനംതിട്ട റോഡിൽ രണ്ട് കിലോമീറ്റർ ദൂരത്തിലാണ് ഗതാഗത പ്രതിസന്ധി.ശബരിമല തീർത്ഥാടകരെ ഒന്നടങ്കം വലയ്ക്കുന്ന അവസ്ഥയാണ് കാണാൻ സാധിക്കുന്നത്.ശബരിമല ദർശനത്തിനായി ഇന്ന് ഓൺലൈൻ വഴി 90620 തീർഥാടകരാണ് ബുക്ക് ചെയ്തിട്ടുള്ളത്. തിരക്കൊഴിവാക്കാൻ ഘട്ടം ഘട്ടമായുള്ള നിയന്ത്രണങ്ങൾ പമ്പ മുതൽ പോലീസ് ഏർപ്പെടുത്തിയിട്ടുണ്ട്.

നിയന്ത്രണവിധേയമായി മാത്രമേ തീർഥാടകരെ സന്നിധാനത്തേക്ക് കടത്തിവിടൂ. നിലവിലെ നിയന്ത്രണങ്ങൾ ശബരിമല എഡിഎമ്മിന്റെ നേതൃത്വത്തിലുള്ള ഉദ്യോഗസ്ഥ സംഘം വിലയിരുത്തി. തിരക്ക് പരിഗണിച്ച് നാളെയും രാത്രി 11.30 വരെ ദർശനം ഉണ്ടായിരിക്കും