നാക്ക് പൊള്ളാത്തവരായി ആരുമില്ല! ഇനി പൊള്ളിയ വിഷമത്തിൽ ഇരിക്കേണ്ട,ഇതൊന്ന് ചെയ്ത് നോക്കൂ

ചൂടുള്ള എന്തെങ്കിലും ഭക്ഷണം കഴിക്കുമ്പോൾ നാക്ക് പൊള്ളി പോകുന്നത് പതിവാണ്. പെട്ടെന്ന് നാക്കിലൊരു തരിപ്പായിരിക്കും അനുഭവപ്പെടുന്നത്. ഇഷ്ട ഭക്ഷണം കിട്ടുമ്പോൾ ചൂട് മറന്ന് കഴിക്കുന്നവർക്ക് ഈ പ്രശ്നം ഉണ്ടാകാറുണ്ട്. നാക്കിൽ ഏൽക്കുന്ന ഈ ചെറിയ പൊള്ളൽ പിന്നെ ദിവസങ്ങളോളം ആളുകളെ ബുദ്ധിമുട്ടിക്കാറുണ്ട്. ഇനി പൊള്ളിയ വിഷമത്തിൽ ഇരിക്കേണ്ട. ഇത്തരം ബുദ്ധിമുട്ടുകൾ മാറ്റാൻ എളുപ്പത്തിൽ വീട്ടിൽ ചെയ്യാൻ കഴിയുന്ന ചില പരിഹാര മാർ​ഗങ്ങളുണ്ട്.

1. പൊള്ളൽ മാറ്റാൻ എപ്പോഴും നല്ലത് തണുപ്പുള്ളത് കഴിക്കുന്നതാണ്. ചൂടുള്ള പദാർത്ഥത്തിന് പുറമെ തണുപ്പുള്ള എന്തെങ്കിലും കഴിക്കാൻ ശ്രമിക്കേണ്ടത് വളരെ പ്രധാനമാണ്. വെറുതെ ഒരു ഐസ് ക്യൂബ് എടുത്ത് വായിലിട്ടാലും ആശ്വാസം കിട്ടും. തണുത്ത വെള്ളം അല്ലെങ്കിൽ സാധാരണ വെള്ളം കുടിക്കുന്നത് പോലും ഈ അവസ്ഥയിൽ ഏറെ നല്ലതാണ്. ഇത്തരത്തിൽ നാവ് പൊള്ളിയാൽ ആദ്യം ചെയ്യാൻ കഴിയുന്ന കാര്യം അൽപ്പം വെള്ളം കുടിക്കുക എന്നതാണ്.
2. ഉപ്പ് പ്രകൃതിദത്തമായ ഒരു ആന്റിസെപ്റ്റിക് ആണ്. ഇത് ആസിഡുകളെ നിർവീര്യമാക്കുകയും കത്തുന്ന സംവേദനത്തിൽ നിന്ന് ആശ്വാസം നൽകുകയും ചെയ്യും. ഉപ്പുവെള്ള ലായനി ഉപയോഗിച്ച് വായ കഴുകുന്നത് വളരെ പണ്ട് കാലം മുതലെ ചെയ്ത് വരുന്ന ഒരു പ്രതിവിധിയാണ്. ഇത് ദ്വാരങ്ങൾ, പല്ലുവേദന, മോണ രോഗങ്ങൾ, വിവിധ ദന്തരോഗങ്ങൾ എന്നിവയ്ക്ക് പരിഹാരം കാണുന്നതിന് ഇപ്പോഴും പ്രായോഗികമാണ്. ഒരു ഗ്ലാസ് ചെറുചൂടുള്ള വെള്ളം എടുത്ത് 2-3 ടീസ്പൂൺ ഉപ്പ് ചേർക്കുക. ഇത് നന്നായി ഇളക്കുക. പൊള്ളലേറ്റ നാവ് തണുപ്പിച്ച ശേഷം ഈ ലായനി ഉപയോഗിച്ച് നിങ്ങളുടെ വായ കഴുകുക.
3. എല്ലാ വീടുകളിലും വളരെ സുലഭമായി ലഭിക്കുന്നതാണ് മഞ്ഞൾ. നിരവധി ഔഷധ ​ഗുണങ്ങളുള്ളതാണ് മഞ്ഞളെന്ന് എല്ലാവർക്കുമറിയാവുന്ന കാര്യമാണ്. നിറവും രുചിയും പോഷകഘടകവും വർദ്ധിപ്പിക്കുന്നതിന് മിക്കവാറും എല്ലാ ഭക്ഷണങ്ങളിലും മഞ്ഞൾ ഉണ്ടായിരിക്കും. ഈ സൂപ്പർഫുഡിന്റെ ആന്റി-ഇൻഫ്ലമേറ്ററി ഗുണങ്ങൾ നാവിലെ വീക്കം ശമിപ്പിക്കാൻ വളരെ ഫലപ്രദമാണ്. 1-2 ടേബിൾസ്പൂൺ പാലും 1/4 ടീസ്പൂൺ തേനും ചേർത്ത് ലളിതമായ മഞ്ഞൾ പേസ്റ്റ് ഉണ്ടാക്കുക. വിരലോ ഇയർബഡോ ഉപയോഗിച്ച് മിശ്രിതം പൊള്ളലേറ്റ നാവിലെ ഭാ​ഗത്ത് പുരട്ടി ഏകദേശം 10 മിനിറ്റ് വയ്ക്കുക. ശേഷം ശ്രദ്ധാപൂർവ്വം വായ കഴുകുക.