അഭിമാനം വാനോളം ; ചന്ദ്രയാൻ 3 വിക്ഷേപണം വിജയകരം

ശ്രീഹരിക്കോട്ട : രാജ്യത്തിന്റെ അഭിമാനം വാനോളമുയർത്തി ഇന്ത്യയുടെ ചാന്ദ്ര പര്യവേഷണ ദൗത്യമായ ചന്ദ്രയാൻ 3ന്റെ വിക്ഷേപണം വിജയകരം. മുൻകൂട്ടി നിശ്ചയിച്ചത് പോലെ 2.35ന് തന്നെ ശ്രീഹരിക്കോട്ടയിലെ രണ്ടാം വിക്ഷേപണത്തറയിൽനിന്നു ചന്ദ്രയാൻ 3 വഹിച്ച് ഐഎസ്ആർഒയുടെ ഏറ്റവും കരുത്തുറ്റ എൽവിഎം3 –എം4 റോക്കറ്റ് കുതിച്ചുയർന്നു.

ഒരു മാസത്തിനുശേഷം ചന്ദ്രന്റെ ദക്ഷിണധ്രുവത്തിനു സമീപം ചന്ദ്രയാൻ 3 സുരക്ഷിതമായി ലാൻഡ് ചെയ്യും. ദൗത്യം വിജയം കാണുമ്പോള്‍ ചന്ദ്രനിൽ സുരക്ഷിതമായി ഒരു പേടകം ലാൻഡ് ചെയുന്ന നാലാമത്തെ രാജ്യമായി ഇന്ത്യ ചരിത്രത്തിന്റെ ഭാഗമാകും . ഓഗസ്റ്റ് 23ന് അല്ലെങ്കിൽ 24 ൽ പേടകം ലാൻഡിങ് നടത്തും എന്നാണ് കരുതപ്പെടുന്നത്.