ടോക്കിയോ ഒളിമ്പിക്സ് : പി.വി.സിന്ധു വിജയ പ്രതീക്ഷയുമായി പ്രീ ക്വാര്‍ട്ടര്‍ മത്സരത്തിലേക്ക്

ടോക്കിയോ: നിലവിലെ വെള്ളി മെഡല്‍ ജേതാവും ടോക്കിയോയില്‍ ഇന്ത്യയുടെ മെഡല്‍ പ്രതീക്ഷയുമായ പി.വി.സിന്ധു വനിതാ സിംഗിള്‍സ് ബാഡ്മിന്റണിന്റെ പ്രീ ക്വാര്‍ട്ടര്‍ മത്സരത്തിലേക്ക്. മത്സരത്തില്‍ ഡെന്മാര്‍ക്കിന്റെ മിയ ബ്ലിക്ക്‌ഫെല്‍ഡിനെ നേരിടും.

ടൂര്‍ണമെന്റിലെ ആറാം സീഡായ സിന്ധു ഹോങ്കോങ്ങിന്റെ നാന്‍ യി ചെയൂങ്ങിനെ നേരിട്ടുള്ള സെറ്റുകള്‍ക്ക് കീഴടക്കിയാണ് വിജയിച്ചത്. സ്‌കോര്‍: 21-9, 21-16. ഈ വിജയത്തോടെ ഗ്രൂപ്പ് ജേതാവായാണ് സിന്ധു നോക്കൗട്ടിലേക്ക് കടന്നത്. ഗ്രൂപ്പ് ജെ യിലാണ് സിന്ധു മത്സരിച്ചത്. ചെയൂങ് മത്സരത്തില്‍ ഇന്ത്യന്‍ താരത്തിന് കാര്യമായ വെല്ലുവിളി ഉയര്‍ത്തിയില്ല.

എന്നാൽ ലോക ഏഴാം നമ്പര്‍ താരമായ സിന്ധുവിന് മിയയ്‌ക്കെതിരേ മികച്ച റെക്കോഡുണ്ട്. ഇതുവരെ അഞ്ചുതവണ പരസ്പരം ഏറ്റുമുട്ടിയപ്പോള്‍ നാലുതവണയും സിന്ധുവാണ് വിജയം സ്വന്തമാക്കിയത്.

ആദ്യ സെറ്റ് അനായാസം നേടിയ സിന്ധു രണ്ടാം സെറ്റിലാണ് ചെറുതായെങ്കിലും പരീക്ഷണം നേരിട്ടത്. മത്സരം 35 മിനിട്ട് മാത്രമാണ് നീണ്ടുനിന്നത്.എന്തായാലും ഒളിംപിക് വനിതാ ബാഡ്മിന്റണ്‍ പ്രീ ക്വാര്‍ട്ടറില്‍ ഡെന്‍മാര്‍ക്കിന്റെ മിയ ബ്ലിക്ക്‌ഫെല്‍ഡിനെ നേരിടാനൊരുങ്ങുന്ന പി വി സിന്ധുവിന് കാര്യങ്ങള്‍ അനായാസമായേക്കും കാരണം ഇരുവരും മുമ്പ് നടന്ന മത്സരങ്ങള്‍ അങ്ങനെയാണ് സൂചിപ്പിക്കുന്നത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona