ജമ്മു കശ്മീർ മുഖ്യമന്ത്രി ഒമര് അബ്ദുള്ള
ശ്രീനഗര്: പഹല്ഗാം ഭീകരാക്രമണത്തിന് പിന്നാലെ വിനോദസഞ്ചാരികള് കശ്മീരില് നിന്ന് കൂട്ടത്തോടെ നാട്ടിലേക്ക് മടക്കയാത്ര ആരംഭിച്ചു. അതിഥികള് കൂട്ടത്തോടെ മടങ്ങിപ്പോകുന്ന കാഴ്ച ഹൃദയഭേദകമാണെന്ന് മുഖ്യമന്ത്രി ഒമര് അബ്ദുള്ള പ്രതികരിച്ചു. വിനോദസഞ്ചാരികളെ അവരുടെ സ്വന്തം നാടുകളിലേക്ക് സുരക്ഷിതമായി തിരികെ കൊണ്ടുവരാന് സംസ്ഥാന സര്ക്കാരുകള് എല്ലാ ശ്രമങ്ങളും നടത്തിവരികയാണ്.
‘ഡിജിസിഎയും സിവില് ഏവിയേഷന് മന്ത്രാലയവും അധിക വിമാന സര്വീസുകള് സംഘടിപ്പിക്കാന് ശ്രമിക്കുകയാണ്. അതിനിടെ വിനോദസഞ്ചാരികള് മടങ്ങിപ്പോകുന്നത് സുഗമമാക്കാന് ശ്രീനഗറിനും ജമ്മുവിനും ഇടയിലുള്ള എന്എച്ച് -44 ഒരു ദിശയിലേക്ക് ഗതാഗതത്തിനായി തുറന്നിട്ടിരിക്കുകയാണ്. ടൂറിസ്റ്റ് വാഹനങ്ങള് സുഗമമായി കടന്നുപോകുന്നതിന് ശ്രീനഗറിനും ജമ്മുവിനും ഇടയിലുള്ള ഗതാഗതം സുഗമമാക്കാന് ഞാന് ഭരണകൂടത്തോട് നിര്ദ്ദേശിച്ചിട്ടുണ്ട്.’- ഒമര് അബ്ദുള്ള എക്സില് കുറിച്ചു.
പഹല്ഗാം ഭീകരാക്രമണം നടന്ന് ഒരു ദിവസത്തിന് ശേഷം മിക്ക വിനോദസഞ്ചാരികളും ഭയം കാരണം താഴ്വര വിടുകയാണെന്ന് ടൂറിസ്റ്റ് ഓപ്പേററ്റര്മാര് പറഞ്ഞു. ഏകദേശം 80 ശതമാനം വിനോദ സഞ്ചാരികളും തങ്ങളുടെ പാക്കേജ് റദ്ദാക്കിയതായും അടുത്ത ഒരു മാസത്തേക്കുള്ള പാക്കേജുകള് പോലും റദ്ദാക്കിയിട്ടുണ്ടെന്നും അവർ കൂട്ടിച്ചേർത്തു.
ശ്രീനഗര് റൂട്ടില് വിമാന ടിക്കറ്റ് നിരക്കുകളില് വര്ധന ഉണ്ടാകില്ലെന്ന് ഉറപ്പാക്കാന് സിവില് ഏവിയേഷന് മന്ത്രാലയം വിമാനക്കമ്പനികളോട് ആവശ്യപ്പെട്ടു. കൂടാതെ വിമാനക്കമ്പനികള് നഗരത്തിലേക്ക് അധിക സര്വീസുകള് നടത്തും.
എയര് ഇന്ത്യയും ഇന്ഡിഗോയും ഇന്ന് ശ്രീനഗറില് നിന്ന് ദേശീയ തലസ്ഥാനത്തേക്കും മുംബൈയിലേക്കും നാല് അധിക വിമാന സര്വീസുകള് നടത്തും. ടിക്കറ്റ് റീഷെഡ്യൂളിനും കാന്സലേഷനും ഈടാക്കുന്ന നിരക്ക് ഒഴിവാക്കാന് വിമാനക്കമ്പനികള് തീരുമാനിച്ചിട്ടുണ്ട്. എല്ലാ വിമാനക്കമ്പനികളെയും വിളിച്ചുചേര്ത്ത് നടത്തിയ അടിയന്തര യോഗത്തില് ശ്രീനഗര് റൂട്ടില് ടിക്കറ്റ് നിരക്ക് വര്ധിപ്പിക്കരുതെന്ന് കേന്ദ്ര വ്യോമയാന മന്ത്രി കെ റാംമോഹന് നായിഡു നിര്ദേശം നല്കിയിട്ടുണ്ട്
വാഷിംഗ്ടൺ ഡിസി: വെനസ്വേലൻ പ്രസിഡന്റ് നിക്കോളാസ് മഡൂറോയുടെ അറസ്റ്റിന് പിന്നാലെ രാജ്യത്തിന്റെ രാഷ്ട്രീയവും സാമ്പത്തികവുമായ ഭാവി നിർണ്ണയിക്കുന്നതിൽ അമേരിക്ക നേരിട്ട്…
തിരുവനന്തപുരം : ട്യൂഷൻ സെന്ററിൽ വെച്ച് പ്ലസ് ടു വിദ്യാർത്ഥിനിയെ ലൈംഗികമായി ഉപദ്രവിച്ച അദ്ധ്യാപകനെ പോലീസ് അറസ്റ്റ് ചെയ്തു. കരിക്കകം…
ഗുവാഹാത്തിയിൽ നടന്ന വാഹനാപകടത്തിൽ നടൻ ആശിഷ് വിദ്യാർത്ഥിക്കും ഭാര്യ രൂപാലി ബറുവയ്ക്കും പരിക്ക്. സൂ റോഡിലെ റെസ്റ്റോറന്റിൽ നിന്ന് ഭക്ഷണം…
കാരക്കാസ്/ന്യൂയോർക്ക് : വെനസ്വേലയിൽ അമേരിക്ക നടത്തിയ വ്യോമാക്രമണത്തെയും പ്രസിഡന്റ് നിക്കോളാസ് മഡുറോയുടെ അറസ്റ്റിനെയും 'ക്രിമിനൽ അധിനിവേശം' എന്ന് വിശേഷിപ്പിച്ചുകൊണ്ട് വെനസ്വേല…
വാഷിംഗ്ടൺ ഡിസി: വെനസ്വേലൻ പ്രസിഡന്റ് നിക്കോളാസ് മഡൂറോയെയും ഭാര്യയെയും പിടികൂടിയ അമേരിക്കൻ സ്പെഷ്യൽ ഫോഴ്സിനെ പ്രശംസിച്ച് അമേരിക്കൻ പ്രസിഡന്റ് ഡൊണാൾഡ്…
വെള്ളാപ്പള്ളി നടേശനെ കരിഓയിൽ ഒഴിച്ച് ആക്രമിക്കുന്നവർക്ക് പണവും അവാർഡും നൽകുമെന്ന യൂത്ത് കോൺഗ്രസ് മലപ്പുറം ജില്ലാ പ്രസിഡന്റ് ഹാരിസ് മുതുരിനെതിരെ…