മുഖത്തോടു മുഖം നോക്കി ചിരിച്ച് ടൊവിനോയും കീർത്തിയും; വാശിയുടെ പുതിയ പോസ്റ്റര്‍ പുറത്തുവിട്ടു

മലയാളത്തിന്റെ യുവതാരം ടൊവിനോ തോമസും-കീര്‍ത്തി സുരേഷും ഒന്നിക്കുന്ന ചിത്രമാണ് വാശി. നടന്‍ വിഷ്ണു ജി രാഘവ് ആദ്യമായി സംവിധാനം ചെയ്യുന്ന ചിത്രം, ജി സുരേഷ് കുമാറിന്റെ രേവതി കലാമന്ദിറിന്റെ ബാനറില്‍ മേനക സുരേഷും രേവതി സുരേഷും സഹ നിര്‍മ്മാതാക്കളായി പ്രവര്‍ത്തിക്കുന്നു. വിഷ്‍ണു രാഘവാണ് ചിത്രത്തിന്റെ തിരക്കഥ എഴുതിയിരിക്കുന്നതും.

‘വാശി’ എന്ന ചിത്രത്തിന്റെ പുതിയൊരു പോസ്റ്റര്‍ പുറത്തുവിട്ടിരിക്കുകയാണ് ഇപ്പോള്‍. നേരത്തെ അഭിഭാഷകരായാണ് ടൊവിനോ തോമസും -കീര്‍ത്തി സുരേഷും അഭിനയിക്കുക ഫസ്റ്റ് ലുക്കില്‍ നിന്ന് വ്യക്തമായത്.

വിനായക് ശശികുമാര്‍ ചിത്രത്തിന്റെ ഗാനത്തിന് വരികള്‍ എഴുതുമ്പോള്‍ കൈലാസ് മേനോനാണ് സംഗീത സംവിധാനം നിര്‍വഹിക്കുന്നത്. മഹേഷ് നാരായണൻ ആണ് ചിത്രത്തിന്റെ ചിത്രസംയോജനം നിര്‍വഹിക്കുന്നത്. നന്ദു, ബൈജു സന്തോഷ്, അനുമോഹന്‍, ഡോ. റോണി, കോട്ടയം രമേഷ്, മുകുന്ദന്‍, കൃഷ്ണന്‍ സോപാനം, അങ്കിത്, ശ്രീലക്ഷ്മി, മായാ വിശ്വനാഥ്, മായാ മേനോന്‍ എന്നിവരും ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കും.