തടാകത്തില്‍ നീന്താനിറങ്ങിയ രണ്ട് കുട്ടികള്‍ മുങ്ങിപ്പോയി; രക്ഷപ്പെടുത്താനുള്ള ശ്രമം പരാജയപ്പെട്ടു;കൃഷ്ണ സാഗര്‍ തടാകത്തില്‍ അഞ്ച് കുട്ടികള്‍ മുങ്ങിമരിച്ചു

ബോട്ടാട്: ഗുജറാത്തിലെ കൃഷ്ണ സാഗര്‍ തടാകത്തില്‍ അഞ്ച് കുട്ടികള്‍ മുങ്ങിമരിച്ചു. ശനിയാഴ്ച തടാകത്തില്‍ നീന്തുകയായിരുന്നു രണ്ട് കുട്ടികള്‍ പെട്ടന്ന് മുങ്ങിപ്പോവുകയായിരുന്നു. ഇവരെ രക്ഷിക്കാനായി ഇവരോടൊപ്പമുണ്ടായിരുന്ന മൂന്ന് പേര്‍ തടാകത്തിലേക്ക് ചാടുകയായിരുന്നു. എന്നാല്‍ ഇവരും മുങ്ങിപ്പോവുകയായിരുന്നു. കഴിഞ്ഞ ദിവസം വൈകുന്നേരം 4.30ഓടെയാണ് അപകടം നടന്നത്. മരിച്ചവര്‍ എല്ലാവരും പ്രായപൂര്‍ത്തിയാവാത്തവരാണ്.

സംഭവം ശ്രദ്ധയില്‍പ്പെട്ട നാട്ടുകാര്‍ വിവരം പോലീസിനെ അറിയിച്ചപ്പോഴേയ്ക്കും അഞ്ച് പേരും തടാകത്തിലേക്ക് മുങ്ങിപ്പോയിരുന്നു. മരിച്ചവരെ ഇനിയും തിരിച്ചറിഞ്ഞിട്ടില്ല. 16 മുതല്‍ 17 വരെ പ്രായമുള്ളവരാണ് അപകടത്തില്‍പ്പെട്ടവരെന്നാണ് വിവരം. സംഭവത്തിൽ അന്വേഷണം നടക്കുകയാണെന്ന് ബോട്ടാട് എസ് പി കിഷോര്‍ ബലോലിയ വിശദമാക്കി.