രണ്ട് ദിനങ്ങൾ !4 സംസ്ഥാനങ്ങൾ ; 50,000 കോടി രൂപയുടെ പദ്ധതികൾ ! നരേന്ദ്രമോദിയുടെ വികസന ആറാട്ട് ! അക്ഷരം തെറ്റാതെ വിളിക്കൂ വികസിത ഇന്ത്യയുടെ ജനനായകൻ

ദില്ലി : വരുന്ന 7-8 തീയതികളിലായി രാജ്യത്തിലെ 4 സംസ്ഥാനങ്ങളിൽ 50,000 കോടി രൂപയുടെ പദ്ധതികളുടെ സമർപ്പണവും തറക്കല്ലിടലും പ്രധാനമന്ത്രി നരേന്ദ്ര മോദി നിർവഹിക്കും. ഛത്തീസ്ഗഡ്,ഉത്തർപ്രദേശ്, തെലുങ്കാന, രാജസ്ഥാൻ സംസ്ഥാനങ്ങളാണ് പ്രധാനമന്ത്രി സന്ദർശിക്കുക.
ഏഴിന് ഛത്തീസ്ഗഡിലും ഉത്തർപ്രദേശിലും എട്ടിന് തെലങ്കാനയിലും രാജസ്ഥാനിലും പ്രധാനമന്ത്രിയെത്തും.

റായ്പൂരിൽ 7500 കോടി രൂപയുടെ പദ്ധതികളുടെ തറക്കല്ലിടലും ഛത്തീസ്ഗഡിലെ അഞ്ച് ദേശീയ പാത പദ്ധതികളുടെ തറക്കല്ലിടുകയും അദ്ദേഹം നിർവഹിക്കും. അതിന് ശേഷം ഗീതാ പ്രസ് ഗോരഖ്പൂരിന്റെ ശതാബ്ദി ആഘോഷങ്ങളുടെ സമാപന ചടങ്ങിൽ പ്രധാനമന്ത്രി പങ്കെടുക്കും. ശേഷം ഗോരഖ്പൂർ – ലഖ്‌നൗ, ജോധ്പൂർ – അഹമ്മദാബാദ് (സബർമതി) എന്നിവയെ ബന്ധിപ്പിക്കുന്ന രണ്ട് വന്ദേ ഭാരത് ട്രെയിനുകൾ പ്രധാനമന്ത്രി ഫ്ലാഗ് ഓഫ് ചെയ്യും. ഗൊരഖ്പൂർ റെയിൽവേ സ്റ്റേഷൻ നവീകരണത്തിന്റെ തറക്കല്ലിടൽ കർമ്മവും അദ്ദേഹം നിർവഹിക്കും

വാരണാസിയിൽ 12,100 കോടിയിലധികം വരുന്ന ഒന്നിലധികം വികസന പദ്ധതികളുടെ ഉദ്ഘാടനവും തറക്കല്ലിടലും ദീൻദയാൽ ഉപാധ്യായ ജംക്‌ഷൻ- സൺ നഗർ റെയിൽവേ ലൈൻ സമർപ്പിത ചരക്ക് ഇടനാഴിയുടെ ഉദ്ഘാടനവും അദ്ദേഹം നിർവഹിക്കും. വാരണാസിയിൽ നിന്ന് ലഖ്‌നൗവിലേക്കുള്ള യാത്ര എളുപ്പവും വേഗവുമാക്കുന്ന NH-56-ന്റെ വാരണാസി-ജോൺപൂർ ഭാഗത്തിന്റെ നാലുവരി വീതികൂട്ടൽ പദ്ധതിയും അദ്ദേഹം രാജ്യത്തിന് സമർപ്പിക്കും

മണികർണിക, ഹരിശ്ചന്ദ്ര ഘട്ടുകളുടെ പുനർവികസന പദ്ധതിക്കും റെയിൽ അടിസ്ഥാന സൗകര്യ വികസന പദ്ധതികൾക്കും പ്രധാനമന്ത്രി തറക്കല്ലിടും. വാറങ്കലിൽ 6,100 കോടി കോടിയിലധികം രൂപയുടെ വികസന പദ്ധതികളുടെ സമർപ്പണവും തറക്കല്ലിടലും നിർവഹിക്കുന്ന ആദ്ദേഹം ബിക്കാനീറിൽ 24,300 കോടിഅമൃത്‌സർ – ജാംനഗർ സാമ്പത്തിക ഇടനാഴിയുടെ ആറുവരി ഗ്രീൻഫീൽഡ് എക്‌സ്‌പ്രസ് വേ വിഭാഗവും ഹരിത ഊർജ ഇടനാഴിക്കുള്ള അന്തർ സംസ്ഥാന ട്രാൻസ്‌മിഷൻ ലൈനിന്റെ ഒന്നാം ഘട്ടവും രാജ്യത്തിന് സമർപ്പിക്കും. ശേഷം ബിക്കാനീർ റെയിൽവേ സ്റ്റേഷന്റെ പുനർവികസനത്തിന് പ്രധാനമന്ത്രി തറക്കല്ലിടും.