മൂന്ന് റഷ്യൻ ബോംബർ ജെറ്റ് വിമാനങ്ങൾ വെടിവെച്ചിട്ടതായി യുക്രെയിൻ, സ്ഥിരീകരിക്കാതെ റഷ്യ

ഉക്രെയിൻ- രാജ്യത്തിൻ്റെ തെക്ക് ഭാഗത്ത് വെള്ളിയാഴ്ച മൂന്ന് റഷ്യൻ ജെറ്റ് യുദ്ധവിമാനങ്ങൾ വെടിവച്ചിട്ടതായി ഉക്രൈൻ സൈന്യം അറിയിച്ചു. മൂന്ന് സു-34 ഫൈറ്റർ ബോംബറുകൾ കെർസൺ മേഖലയിൽ വെടിവച്ചിട്ടതായാണ് ഉക്രേനിയൻ വ്യോമസേന അവകാശപ്പെടുന്നത്.

യുദ്ധത്തിൽ തകർന്ന പ്രദേശമായ ഖേർസൺ മേഖലയിലാണ് ബോംബർ വിമാനങ്ങൾ തകർത്തിട്ടതെന്ന് യുക്രെയിൻ പ്രസിഡൻ്റ് സെലെൻസ്‌കിപറഞ്ഞു വിമാനങ്ങൾ താഴെയിറക്കിയ സൈനികർക്ക് അദ്ദേഹം നന്ദി പറഞ്ഞു. എന്നാൽ, യുദ്ധവിമാനങ്ങൾ തകർന്നതിനെ കുറിച്ച് ഇതേവരെ മോസ്കോ ഔദ്യോഗിക വിശദീകരണം നൽകിയിട്ടില്ല.

റഷ്യയുടെ നിയന്ത്രണത്തിലുള്ള ഡിനിപ്രോ നദിയുടെ ഭാഗത്തുള്ള ഉക്രേനിയൻ സ്ഥാനത്ത് ഗ്ലൈഡ് ബോംബുകൾ വീഴ്ത്താൻ വിമാനങ്ങൾ ഉപയോഗിച്ചിരിക്കാമെന്നാണ് മാദ്ധ്യമപ്രവർത്തകരുടെ നിഗമനം.

2022 ഫെബ്രുവരിയിൽ മോസ്കോയുടെ പൂർണ്ണ തോതിലുള്ള അധിനിവേശത്തെത്തുടർന്ന് റഷ്യൻ സൈന്യത്തിനെതിരെ പോരാടുന്നത് തുടരുന്നതിനാൽ ഉക്രെയ്ൻ വെടിമരുന്ന് ക്ഷാമം നേരിടുന്നുണ്ടെന്നും റിപ്പോർട്ടുണ്ട്. .