മോദി ഭാരതത്തെ കളിയാക്കുന്നതും ഒന്ന് ആലോചിച്ചു വേണം; ജർമനിയെക്കാൾ വലിയ സാമ്പത്തിക ശക്തിയായി ഭാരതം മാറുകയാണ്, ഇന്ത്യയെ കളിയാക്കിയ ജർമൻ കാർട്ടൂണിസ്റ്റനെ എടുത്തലക്കി രാജീവ് ചന്ദ്രേശേഖർ

ഇന്ത്യയിലെ ജനസംഖ്യയെക്കുറിച്ച് കളിയാക്കിയ ജർമ്മൻ മാസികയുടെ കാർട്ടൂണിസ്റ്റിനെ എടുത്തലക്കി കേന്ദ്രമന്ത്രി ചന്ദ്രശേഖർ.ഇന്ത്യയുടെ ജനസംഖ്യ ചൈനയെ മറികടക്കുന്നതായി ചിത്രീകരിക്കുന്ന ജർമ്മൻ മാസികയായ ഡെർ സ്പീഗലിന്റെ കാർട്ടൂണിസ്റ്റിനെതിരെയാണ് കേന്ദ്രമന്ത്രി രാജീവ് ചന്ദ്രശേഖർ പ്രതികരിച്ച് രംഗത്തെത്തിയത്. തന്റെ ട്വീറ്റിലൂടെയാണ് അദ്ദേഹം തന്റെ പ്രതികരണം അറിയിച്ചത്.

പ്രതികരണം ഇങ്ങനെ

“@derspiegel-ലെ പ്രിയ കാർട്ടൂണിസ്റ്റ്…ഇന്ത്യയെ പരിഹസിക്കാനുള്ള നിങ്ങളുടെ ശ്രമം എന്തായാലും നടക്കില്ല. പ്രധാനമന്ത്രി നരേന്ദ്ര മോദി ജിയുടെ കീഴിൽ ഉള്ള ഇന്ത്യക്കെതിരെ വാതുവെപ്പ് നടത്തുന്നത് ബുദ്ധിയല്ല.ഭാരതത്തെ കളിയാക്കുന്നത് ബ്രില്യന്റ് ആയി നിങ്ങൾ കരുതേണ്ട. ഏതാനും വർഷങ്ങൾക്കുള്ളിൽ ഇന്ത്യയുടെ സമ്പദ്‌വ്യവസ്ഥ ജർമ്മനിയെക്കാൾ വലുതാകും,
ഇതായിരുന്നു അദ്ദേഹം ട്വീറ്റ് ചെയ്തത് .

രണ്ട് ഡ്രൈവർമാരുള്ള ചൈനയുടെ “ആധുനിക” ബുള്ളറ്റ് ട്രെയിനിനെ മറികടന്ന് അകത്തും മുകളിലും യാത്രക്കാർ തിങ്ങി നിറഞ്ഞ ഇന്ത്യക്കാരുടെ ട്രെയിൻ പോകുന്നതായാണ് കാർട്ടൂണിൽ ചിത്രീകരിച്ചത്. ഇന്ത്യയെ കളിയാക്കുന്ന വിധത്തിൽ ചിത്രീകരിച്ചെന്ന് രൂക്ഷമായി വിമർശിച്ച് നിരവധിപേർ രംഗത്തെത്തിയിരുന്നു