നിയമസഭയിൽ ഉപയോഗിക്കുന്നതിനായി ‘സ്പീച്ച് റെക്കഗ്നിഷൻ സോഫ്‌റ്റ്‌വെയർ’ വാങ്ങാനൊരുങ്ങി ഉത്തർപ്രദേശ് സർക്കാർ ! സോഫ്‌റ്റ്‌വെയറിന് മറ്റ് അംഗങ്ങൾ ഉണ്ടാക്കുന്ന ഇടപെടലുകൾ ഇല്ലാതാക്കാൻ കഴിയും

നിയമസഭയിൽ ഉപയോഗിക്കുന്നതിനായി സ്പീച്ച് റെക്കഗ്നിഷൻ സോഫ്റ്റ്‌വെയർ അവതരിപ്പിക്കാനൊരുങ്ങി ഉത്തർപ്രദേശ് സർക്കാർ. ഇതിനായി സർക്കാർ ടെൻഡർ നൽകിയിട്ടുണ്ട്, പുതിയ സോഫ്‌റ്റ്‌വെയർ നിയമസഭയ്‌ക്കുള്ളിലെ സെഷനുകളുടെ തടസ്സരഹിതവും ഘടനാപരവുമായ നടത്തിപ്പ് സുഗമമാക്കുന്നതിന് ലക്ഷ്യമിട്ടുള്ള നിരവധി സവിശേഷതകൾ കൊണ്ടുവരുമെന്ന് പ്രതീക്ഷിക്കുന്നതായി സംസ്ഥാന സർക്കാർ വക്താവ് പറഞ്ഞു.

സഭാ നടപടികളുടെ തത്സമയ ടെലികാസ്റ്റ് സമയത്ത് ശബ്ദ സംബന്ധിയായ ഇടപെടൽ ഇല്ലാതാക്കാനുള്ള സൗകര്യമുൾപ്പെടെ സോഫ്റ്റ്‌വെയറിൽ സജ്ജീകരിക്കും. ഇ-ടെൻഡറിന് അപേക്ഷിക്കാനുള്ള അവസാന തീയതി ഡിസംബർ 4 ആണ്, ദേശീയ ഇ-വിധാൻ ആപ്ലിക്കേഷൻ നടപ്പിലാക്കുന്നതിലൂടെ രാജ്യത്തെ വിവിധ സംസ്ഥാനങ്ങൾ അവരുടെ നിയമസഭാ നടപടികൾ ഇതിനകം ഡിജിറ്റൈസ് ചെയ്തിട്ടുണ്ട് .

നിയമസഭയിൽ ‘ഇ-വിധാൻ ആപ്ലിക്കേഷൻ’ അവതരിപ്പിച്ചുകൊണ്ട് 2022 മെയ് മാസത്തിൽ ഉത്തർപ്രദേശും സാങ്കേതിക പരിവർത്തനം സ്വീകരിച്ചിരുന്നു.നിയമനിർമ്മാണ സഭാ നടപടികൾ കുറ്റമറ്റ രീതിയിൽ നടപ്പിലാക്കുക എന്നതാണ് ഇ-വിധാൻ ആപ്ലിക്കേഷന്റെ ലക്ഷ്യം