ഉത്താരാഖണ്ഡില്‍ വാഹനം മലയിടുക്കിലേക്ക് മറിഞ്ഞ് അപകടം; 11 പേർക്ക് ദാരുണാന്ത്യം

ഡെറാഡൂണ്‍: ഉത്താരാഖണ്ഡില്‍ വാഹനം മലയിടുക്കിലേക്ക് മറിഞ്ഞ് 11 പേർക്ക് ദാരുണാന്ത്യം. രണ്ട് പേര്‍ക്ക് പരിക്കേറ്റു. കുമയൂണിലെ സുഖിദാങ് റീത സാഹിബ് റോഡിന് സമീപമുള്ള മലയിടുക്കില്‍ വച്ചാണ് അപകടമുണ്ടായത്. ചൊവ്വാഴ്ച രാവിലെയാണ് സംഭവം. പരിക്കേറ്റവരുടെ നില ഗുരുതരമാണെന്നും റിപ്പോർട്ടുകൾ പറയുന്നു.

വിവാഹ ചടങ്ങില്‍ പങ്കെടുത്ത് മടങ്ങുമ്പോഴായിരുന്നു അപകടമുണ്ടായതെന്ന് പോലീസ് പറഞ്ഞു. നാട്ടുകാരും പോലീസും സ്ഥലത്ത് രക്ഷാപ്രവര്‍ത്തനം നടത്തുകയാണ്. അപകടത്തില്‍പെട്ടവരുടെ വിവരങ്ങള്‍ ഒന്നും അറിയാനായിട്ടില്ലെന്ന് കുമയൂണിലെ ഡെപ്യൂട്ടി ഇന്‍സ്പെക്ടര്‍ ജനറല്‍ ഓഫ് പോലീസ് നിലേഷ് ആനന്ദ് ഭാര്‍നെ ദേശീയ മാധ്യമങ്ങളോട് വ്യക്തമാക്കി.