വിഷ്ണു ദേവ് സായി ഛത്തീസ്ഗഢ് മുഖ്യമന്ത്രിയാകും,ആദിവാസി നേതാവിൽ നിന്ന് മുഖ്യമന്ത്രി പദത്തിലേക്ക്

റായ്പൂർ: ഛത്തീസ്ഗഢ് മുഖ്യമന്ത്രിയായി മുൻ കേന്ദ്ര മന്ത്രിയും ആദിവാസി നേതാവുമായ വിഷ്ണു ദേവ് സായിയെ നിയമിച്ചു. റായ്പൂരില്‍ ചേര്‍ന്ന ബി.ജെ.പി എം.എല്‍.എമാരുടെ യോഗത്തിലാണ് അദ്ദേഹത്തെ നിയമസഭാകക്ഷി നേതാവായി തിരഞ്ഞെടുത്തത്. ഛത്തീസ്ഗഢിൽ അടുത്തിടെ നടന്ന നിയമസഭാ തിരഞ്ഞെടുപ്പിൽ ഭൂപേഷ് ബാഗേലിൻ്റെ നേതൃത്വത്തിലുള്ള കോൺഗ്രസിനെ പരാജയപ്പെടുത്തി ബി.ജെ.പി വിജയിക്കുകയും സംസ്ഥാനം തിരിച്ചുപിടിക്കുകയും ചെയ്തിരുന്നു.

2018ൽ കോൺഗ്രസ് വിജയിക്കുന്നതിന് മുമ്പ് 15 വർഷത്തെ ഭരണമാണ് സംസ്ഥാനത്ത് ബി.ജെ.പിക്ക് ഉണ്ടായിരുന്നത്. മുഖ്യമന്ത്രി സ്ഥാനാര്‍ത്ഥിയെ ഉയര്‍ത്തിക്കാട്ടാതെയാണ് ബി.ജെ.പി ഇത്തവണ ഛത്തീസ്ഗഢില്‍ തിരഞ്ഞെടുപ്പിനെ നേരിട്ടത്. കേന്ദ്ര മന്ത്രിയായിരുന്ന അദ്ദേഹം എം.എല്‍.എയായി തിരഞ്ഞെടുക്കപ്പെട്ടതിന് പിന്നാലെയാണ് കേന്ദ്ര മന്ത്രിസഭയില്‍നിന്ന് രാജിവെച്ചത്.

90 അംഗ നിയമസഭാ തെരഞ്ഞെടുപ്പിൽ കോൺഗ്രസ് 35 സീറ്റുകളും സ്വതന്ത്രൻ ഒരു സീറ്റും നേടിയപ്പോൾ 54 സീറ്റുകൾ നേടി ബി.ജെ.പി അനായാസം വിജയിച്ചു.