വിഴിഞ്ഞം തുറമുഖ സമരം; കൂടുതൽ ശക്തം; കടൽ മാര്‍ഗവും തുറമുഖപ്രദേശം വളഞ്ഞ് മത്സ്യത്തൊഴിലാളികൾ; ടവറിന് മുകളിൽ കൊടി നാട്ടി പ്രതിഷേധം; നേതൃത്വം നൽകി പൂന്തുറ ഇടവക

തിരുവനന്തപുരം : വിഴിഞ്ഞം തുറമുഖ സമരം കൂടുതൽ ശക്തമാകുന്നു. കരമാ‍ഗവും കടൽ മാ‍ഗവും തുറമുഖ പദ്ധതി പ്രദേശം സമരക്കാര്‍ വളഞ്ഞു. ബാരിക്കേഡുകൾ തള്ളിമാറ്റി, എല്ലാ ഗേറ്റുകളും മറികടന്ന് സമരക്കാര്‍, പദ്ധതി പ്രദേശത്ത് കടന്നപ്പോൾ സമരക്കാരിൽ ഒരു സംഘം കടൽ മാര്‍ഗവും നിർമ്മാണ സ്ഥലത്തേക്കെത്തി പ്രദേശം വളഞ്ഞു. ടവറിന് മുകളിൽ കൊടി നാട്ടി പ്രതിഷേധിച്ചു. കടൽ വഴി തുറമുഖം വളഞ്ഞത് പൂന്തുറ ഇടവകയുടെ നേതൃത്വത്തിലാണ്.

സെന്റ് സെവ്യേഴ്സ്, ചെറിയതുറ, ചെറുവെട്ടുകാട് ഇടവകകളുടെ നേതൃത്വത്തിലാണ് കരമാർഗംതുറമുഖം ഉപരോധിക്കുന്നത്. കരയിൽ നിന്നും കടലിൽ നിന്നും സമരത്തിന് അഭിവാദ്യം അർപ്പിക്കും. മന്ത്രിതല ചർച്ചയിൽ സമവായ നീക്കങ്ങളിലേക്ക് കടന്നെങ്കിലും ആവശ്യങ്ങൾ പൂർണമായി അംഗീകരിക്കുന്നതിനായുള്ള സമ്മർദ്ദം ശക്തമാക്കാനാണ് തിരുവനന്തപുരം ലത്തീൻ അതിരൂപതയുടെ തീരുമാനം