വയനാട്ടിൽ വീണ്ടും കർഷക ആത്മഹത്യ

പുൽപ്പള്ളി: വയനാട്ടിൽ വീണ്ടും കടബാധ്യതയെത്തുടര്‍ന്നുള്ള കർഷക ആത്മഹത്യ. മരക്കടവ് ചുളുഗോഡ് സ്വദേശി എങ്കിട്ടൻ (55) ആണ് ആത്മഹത്യ ചെയ്തത്.

സ്വന്തം കൃഷിയിടത്തിൽ വച്ചാണ് എങ്കിട്ടൻ വിഷം കഴിച്ചത്. കൃഷിയിടത്തിൽ വെച്ച് വിഷം കഴിച്ച ശേഷം വീട്ടിൽ വന്നാണ് മരിച്ചത്.

കൃത്യമായി മഴ ലഭിക്കാത്തത് മൂലം വയനാട് കർണാടക അതിർത്തിയിലെ എങ്കിട്ടന്‍റെ കൃഷി നശിച്ചിരുന്നു.ഇതേത്തുടര്‍ന്ന് കൃഷിക്കായി എടുത്ത വായ്‌പയുടെ തിരിച്ചടവ് മുടങ്ങുകയും ചെയ്തു. ഇതാണ് കിട്ടനെ ആത്മഹത്യയിലേക്ക് നയിച്ചതെന്നാണ് വിവരം.