കടലാക്രമണത്തിൽ വിറങ്ങലിച്ച് വെസ്റ്റ്ഹിൽ ശാന്തിനഗർ കോളനി!കോളനി നിവാസികൾക്ക് നീതി ലഭിക്കണമെന്നാവശ്യവുമായി ബിജെപി വില്ലേജ് ഓഫീസ് ധർണ്ണ നടത്തി

കോഴിക്കോട് : കടലാക്രമണത്തിൽ വിറങ്ങലിച്ച് നിൽക്കുന്ന വെസ്റ്റ്ഹിൽ ശാന്തിനഗർ കോളനിയിൽ കടൽ ഭിത്തി ഉടൻ നിർമ്മിച്ച് കോളനി നിവാസികളുടെ ജീവൻ രക്ഷിക്കണമെന്നും കടൽ കയറിയ തകർന്ന വീടുകളുടെ ഉടമസ്ഥർക്ക് ധനസഹായം നൽകണമെന്നാവശ്യപ്പെട്ട് ബിജെപി പുതിയങ്ങാടി ഏരിയ കമ്മിറ്റി, പുതിയങ്ങാടി വില്ലേജ് ഓഫിസിന് മുന്നിൽ ജനകീയ ധർണ്ണ സംഘടിപ്പിച്ചു. ബിജെപി ജില്ല മത്സ്യ സെൽ കോഡിനേറ്റർ പി.കെ.ഗണേശൻ ധർണ്ണ ഉദ്ഘാടനം ചെയ്തു

ഏരിയ പ്രസിഡന്റ് ടി.പി. സുനിൽ രാജ് അദ്ധ്യക്ഷത വഹിച്ച ധർണ്ണയിൽ നടക്കാവ് മണ്ഡലം പ്രസിഡണ്ട് കെ.ഷൈബു മുഖ്യ പ്രഭാഷണവും ജനറൽ സെക്രട്ടറി എൻ.പി. പ്രകാശൻ സമാപന പ്രസംഗവും നടത്തി

എസ്.സി. മോർച്ച മണ്ഡലം പ്രസിഡണ്ട് രോഹിണി ഉണ്ണികൃഷ്ണൻ , കർഷക മോർച്ച മണ്ഡലം പ്രസിഡണ്ട് ടി. പ്രജോഷ് , ജനറൽ സെക്രട്ടറി എ.പി. പുരുഷോത്തമൻ , മണ്ഡലം കമ്മിറ്റി അംഗങ്ങളായ റാണി രതീഷ് , ചിത്രകാർത്തികേയൻ, സൗമ്യ സുഭീഷ് , ഏരിയ ജനറൽ സെക്രട്ടറിമാരായ പ്രേംനാഥ്, മാലിനി സന്തോഷ്, മഹിള മോർച്ച മണ്ഡലം സെക്രട്ടറി രാജശ്രീ സന്തോഷ്, രാജേഷ്, സുഭീഷ് , കാർത്തികേയൻ, രാമക്യഷ്ണൻ മാസ്റ്റർ, അനിൽകുമാർ എന്നിവർ ധർണ്ണയിൽ പ്രസംഗിച്ചു.