എമ്പുരാൻ ! യാഥാർഥ്യമെന്ത് ?അനന്തപുരി ഹിന്ദുമഹാസമ്മേളനം സംഘടിപ്പിക്കുന്ന സുദീഘ ചർച്ച വരുന്ന ചൊവ്വാഴ്ച

ലോകമെമ്പാടുമുള്ള പ്രേക്ഷകർ ആകാംക്ഷയോടെ കാത്തിരുന്ന ചിത്രമായിരുന്നു പൃഥ്വിരാജ് സംവിധാനത്തിൽ മോഹൻലാൽ നായകനായ എമ്പുരാൻ. ലൂസിഫർ എന്ന ചിത്രം സമ്മാനിച്ച ആവേശവും രോമാഞ്ചവുമെല്ലാം അത് പോലെയോ അതിനേക്കാളോ ലൂസിഫറിന്റെ രണ്ടാം ഭാഗമായ എമ്പുരാനിൽ നിന്ന് മലയാളി പ്രതീക്ഷിച്ചു. സിനിമയ്ക്ക് ലഭിച്ച പ്രീ ബുക്കിംഗ് അതാണ് വ്യക്തമാക്കിയിരുന്നത്. എന്നാൽ സിനിമ പുറത്തിറങ്ങിയതോടെ കാര്യങ്ങൾ മാറി മറിഞ്ഞു. പല വാസ്തവങ്ങളെയും തച്ചു തകർത്ത് പുതിയ അജണ്ടകൾ നിർമ്മിക്കുവാൻ തിരക്കഥയിൽ നടത്തിയ ശ്രമങ്ങളായിരുന്നു അതിനു കാരണം. ഇതിന്റെ പശ്ചാത്തലത്തിൽ എമ്പുരാന്റെ യാഥാർഥ്യം എന്തെന്ന് കണ്ടെത്താൻ ശ്രമിക്കുകയാണ് അനന്തപുരി ഹിന്ദുമഹാസമ്മേളനം. വിഷയത്തിൽ സുദീഘമായ ചർച്ച ഏപ്രിൽ 1 ചൊവ്വാഴ്ച വൈകുന്നേരം 5 മണിക്ക് വർമ ട്രാവൽസ് പെട്രോൾ പമ്പിന് എതിർവശത്തുള്ള അനന്തപുരി ഹിന്ദുമഹാസമ്മേളനം കാര്യാലയത്തിൽ വച്ച് നടക്കും.

ശ്യാം ബാബു കോറോത്ത് (ജനം ടി വി), ആർ പ്രദീപ് (ജന്മഭൂമി ),സനോജ് നായർ (തത്വമയി ടിവി ),ഡോ. കെ.എൻ.എം പിള്ള (ഭാരതീയ വിചാരകേന്ദ്രം ),ഷാജു വേണുഗോപാൽ (ക്ഷേത്രസംരക്ഷണ സമിതി ), എ കെ എൻ അരുൺ (ഹിന്ദു ധർമ്മപരിഷദ് ) എന്നിവർ ചർച്ചയിൽ പങ്കെടുത്ത് സംസാരിക്കും.