എന്താണ് ഇവർ പറയുന്ന ഈ പുതിയ ഇന്ത്യ ? 50 വർഷത്തിലധികം അധികാരത്തിൽ ഇരുന്നിട്ടും ഒന്നും ചെയ്യാൻ കഴിയാത്തവർ; ഇന്ത്യ സഖ്യത്തെ പിന്തുണയ്ക്കില്ലെന്ന് കെ. ചന്ദ്രശേഖര റാവു

ഹൈദരാബാദ്: കോൺഗ്രസിന്റെ നേതൃത്വത്തിൽ പ്രതിപക്ഷ പാർട്ടികൾ ചേർന്ന് രൂപീകരിച്ച ഇന്ത്യ സഖ്യത്തെ പിന്തുണയ്ക്കില്ലെന്ന് തെലങ്കാന മുഖ്യമന്ത്രി കെ ചന്ദ്രശേഖര റാവു. അൻപത് വർഷത്തിലധികം പല കാലങ്ങളിലായി പലർക്കൊപ്പം അധികാരം പങ്കിട്ടവരാണ് പുതിയ സഖ്യം രൂപീകരിച്ചിരിക്കുന്നതെന്നും കെ ചന്ദ്രശേഖര റാവു വിമർശിച്ചു.

ഞങ്ങൾ ആർക്കൊപ്പവുമില്ലെന്നും ആർക്കൊപ്പവും ചേരാൻ ആഗ്രഹിക്കുന്നില്ലെന്നും മുഖ്യമന്ത്രി പറഞ്ഞു. എന്നാൽ, ഞങ്ങൾ ഒറ്റയ്ക്കല്ല. ഞങ്ങൾക്കും കൂട്ടുകക്ഷികളുണ്ട്. എന്താണ് ഇവർ പറയുന്ന ഈ പുതിയ ഇന്ത്യ ? ഇക്കാലമത്രയും പലർക്കൊപ്പം അധികാരം പങ്കിട്ട ഇവർക്ക് രാജ്യത്തിന് ഗുണകരമായ ഒരു മാറ്റവും കൊണ്ടുവരാൻ സാധിച്ചിട്ടില്ലെന്നും കെ ചന്ദ്രശേഖര റാവു പറഞ്ഞു.