‘ഈ നാട് എവിടെ തിരിഞ്ഞാലും കുളങ്ങളുള്ള കുഗ്രാമമാണ്’,അഭിമുഖത്തില്‍ ജന്മനാടായ ‘മുതുകുളത്തെ’ അപമാനിച്ച നടി നവ്യാനായർക്കെതിരെ സോഷ്യൽമീഡിയയിൽ വ്യാപക പ്രതിഷേധം

കായംകുളം: അഭിമുഖത്തിൽ ജന്മനാടായ മുതുകുളത്തെ അപമാനിച്ചുവെന്ന് ചൂണ്ടിക്കാട്ടി നടി നവ്യാനായർക്കെതിരെ സോഷ്യൽമീഡിയയിൽ വ്യാപക പ്രതിഷേധം. നവ്യ ജന്മനാടിനെക്കുറിച്ച് നടത്തിയ പരാമര്‍ശം ഇപ്പോൾ വിവാദമാവുകയാണ്.കായംകുളം, മുതുകുളം എന്നിവിടങ്ങളില്‍ നിന്നുള്ള ചില സോഷ്യല്‍ മീഡിയ ഗ്രൂപ്പുകളിലും മറ്റുമാണ് പ്രതിഷേധം ഉയരുന്നത്.

‘ഈ നാട് എവിടെ തിരിഞ്ഞാലും കുളങ്ങളുള്ള കുഗ്രാമമാണെന്നും ഇവിടുത്തെ ആളുകളുടെ അകത്തും പുറത്തും എപ്പോഴും വെള്ളമാണെന്നുമായിരുന്നു നവ്യയുടെ പരാമർശം. ഇന്നാട്ടിൽ വൈദ്യുതി ഉണ്ടോയെന്ന് പോലും ഒരിക്കല്‍ നടന്‍ ദിലീപ് അതിശയിച്ചതായും നവ്യ തന്റെ അഭിമുഖത്തിൽ പറയുന്നുണ്ട്.

ഇതിനുപിന്നാലെയാണ് സമൂഹ മാദ്ധ്യമങ്ങൾ ഒന്നടങ്കം നവ്യക്കെതിരെതിരിഞ്ഞത്.ചിലർ പോസ്റ്റുകളും ഇമോജികളും പങ്കവച്ചായിരുന്നു പ്രതിഷേധിച്ചത്.ചില പോസ്റ്റുകളില്‍ മുതുകുളത്തിലെ കലാരംഗത്തെ പ്രമുഖരുടെ പേരുകള്‍ എടുത്തു പറഞ്ഞാണ് ചില പോസ്റ്റുകള്‍ വന്നിരിക്കുന്നത്. എവിടെയും കുളവും പാടവുമാണ് എന്ന നവ്യയുടെ പരാമര്‍ശത്തില്‍ ചില പോസ്റ്റുകളില്‍ മുതുകുളത്തിന്‍റെ പേരിലെ ഐതിഹ്യം തന്നെ ചിലര്‍ ഓര്‍മ്മപ്പെടുത്തുന്നുണ്ട്. മുത്തുമണികൾ പോലെ വിളഞ്ഞ നെൽ പാടങ്ങൾ നിറഞ്ഞ മുത്തുകുളമാണ് മുതുകുളമായി മാറിയതെന്നതാണ് ഐതിഹ്യമെന്ന് നവ്യയെ ചില പോസ്റ്റുകളില്‍ ഓര്‍മ്മിപ്പിക്കുന്നു.