കോതമംഗലത്തുകാർക്ക് തലവേദനയായി കാട്ടാനകൾ; വീട്ടുവളപ്പില്‍ കാട്ടാനയുടെ പരാക്രമം, പോര്‍ച്ചില്‍ കിടന്ന കാർ ഉൾപ്പെടെ കുത്തിമറിച്ചു; വീഡിയോ പുറത്ത്

കോതമംഗലം: കോതമംഗലത്ത് വീട്ടുവളപ്പില്‍ കാട്ടാനയുടെ പരാക്രമം. വീടിന്റെ കാര്‍പോര്‍ച്ചില്‍ കിടന്ന കാര്‍ കാട്ടാന കുത്തിമറിച്ചു. കോട്ടപ്പാറ വനത്തില്‍ നിന്നെത്തിയ കൊമ്പനാന വടക്കുംഭാഗം സ്വദേശി വര്‍ഗീസിന്റെ വീട്ടുവളപ്പില്‍ കയറിയാണ് നാശനഷ്ടങ്ങള്‍ വരുത്തിയത്. പുലര്‍ച്ചെയോടെയാണ് കാട്ടുകൊമ്പന്‍ വീട്ടുപരിസരത്തെത്തി ആക്രമണം നടത്തിയത്. അതേസമയം വീടിന്റെ കാര്‍പോര്‍ച്ചില്‍ കിടന്ന കാര്‍ കാട്ടാന കുത്തിമറിക്കുന്നതിന്റെ ദൃശ്യങ്ങള്‍ പുറത്തുവന്നിട്ടുണ്ട്.

കാട്ടാനകൾ പോര്‍ച്ചില്‍ കിടന്ന കാര്‍ കൊമ്പുകൊണ്ട് കുത്തി നീക്കുകയും മറിച്ചിടാന്‍ ശ്രമിക്കുകയും ചെയ്തു. ഇടിയുടെ ആഘാതത്തില്‍ കാറിന് കേടുപാടുകള്‍ സംഭവിച്ചു. ശബ്ദം കേട്ട് വീട്ടിലുള്ളവര്‍ ഉണര്‍ന്നപ്പോള്‍ ആന മുറ്റത്തുനില്‍ക്കുന്നതാണ് കണ്ടത്. വീട്ടുകാര്‍ ശബ്ദമുണ്ടാക്കിയതോടെ ആന പിന്‍വാങ്ങി. എന്നാല്‍ വീട്ടുപരിസരത്തെ വാഴ, കപ്പ, തുടങ്ങിയ കൃഷികള്‍ നശിപ്പിച്ചു. മേഖലയില്‍ ഏറെക്കാലമായി കാട്ടാനയുടെ ഭീഷണി നിലനില്‍ക്കുന്നുണ്ട്. നിരവധി തവണ കാട്ടാനയുടെ ആക്രമണം ഉണ്ടാവുകയും നാട്ടുകാര്‍ പരാതി നല്‍കുകയും ചെയ്തിരുന്നു. എന്നാൽ ഒരു നടപടിയും ഇതുവരെയും ഇക്കാര്യത്തിൽ ഉണ്ടായിട്ടില്ലെന്നാണ് പ്രദേശവാസികൾ പറയുന്നത്. വിഷയത്തില്‍ വനംവകുപ്പ് ആവശ്യമായ നടപടികള്‍ സ്വീകരിക്കണമെന്നാണ് നാട്ടുകാര്‍ ആവശ്യപ്പെടുന്നത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona