ആള്‍ക്കൂട്ട ആക്രമണങ്ങളെ കൂട്ടുപിടിച്ച് ഹിന്ദുക്കളെ ആക്ഷേപിക്കാനും ഒറ്റപ്പെടുത്താനും സമ്മതിക്കില്ല’; നിലപാട് വ്യക്തമാക്കി ആര്‍എസ്എസ് സര്‍സംഘചാലക്

മധുര: ആള്‍ക്കൂട്ട ആക്രമണങ്ങളേയും പശുക്കളേയും കൂട്ടുപിടിച്ച് ഹിന്ദുക്കളെ ആക്ഷേപിക്കുകയാണെന്ന് ആര്‍എസ്എസ് സര്‍സംഘചാലക് മോഹന്‍ ഭാഗവത്. മധുരയില്‍ ആര്‍എസ്എസിന്‍റെ അഖില ഭാരതീയ സാമാജിക് സദ്ഭാവ് വാര്‍ഷിക യോഗത്തെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം. ഇത്തരം ആക്ഷേപങ്ങളെ അംഗീകരിക്കാനാവില്ലെന്നും മോഹന്‍ ഭാഗവത് വ്യക്തമാക്കി.

ആള്‍ക്കൂട്ട ആക്രമണങ്ങള്‍ അവസാനിപ്പിക്കണമെന്നാവശ്യപ്പെട്ട് വിവിധ മേഖലകളില്‍ നിന്നുള്ള 49 പ്രമുഖര്‍ ഒപ്പിട്ട കത്ത് പ്രധാനമന്ത്രി നരേന്ദ്ര മോദിക്ക് സമര്‍പ്പിച്ചിരുന്നു. ഈ പശ്ചാത്തലത്തിലാണ് സര്‍സംഘചാലകിന്‍റെ പ്രതികരണം.

ഹിന്ദുത്വം എല്ലാം ഉള്‍ക്കൊള്ളുന്നതാണെന്നും മുസ്ലീങ്ങളും അതിന്‍റെ ഭാഗമാണെന്നും അങ്ങനെയല്ലെങ്കില്‍ അതിനെ ഹിന്ദുത്വമെന്ന് വിളിക്കാനാകില്ലെന്നും മോഹന്‍ ഭാഗവത് നേരത്തെ പറഞ്ഞിരുന്നു.