മാളികപ്പുറത്തിന്റെ വിജയത്തിനൊപ്പം യുവതാരം ഉണ്ണിമുകുന്ദന് ഇരട്ടിമധുരമായി യുവശ്രേഷ്‌ഠ പുരസ്കാരം; സ്വാമി വിവേകാനന്ദ ജയന്തി ദിനത്തിൽ കേന്ദ്രമന്ത്രി വി മുരളീധരൻ പുരസ്‌കാരം സമ്മാനിക്കും

മലയാളികളുടെ പ്രിയ തരാം ഉണ്ണി മുകുന്ദന് യുവശ്രേഷ്ഠ പുരസ്‌കാരം. കേന്ദ്രമന്ത്രി വി മുരളീധരനാണ് 50,001 രൂപയും ഫലകവും പ്രശംസിപത്രവും അടങ്ങുന്ന പുരസ്‍കാരം സമ്മാനിക്കുന്നത്. ജനുവരി 12 വിവേകാനന്ദ ജയന്തി ദിനം പെരുന്നയിൽ വച്ചാണ് പുരസ്കാരം ഉണ്ണി മുകുന്ദന് സമ്മാനിക്കുക.

ചങ്ങനാശ്ശേരി എൻ പി ഉണ്ണിപ്പിള്ള ഫൗണ്ടേഷനാണ് പുരസ്കാരം ഏർപ്പെടുത്തിയത് നടൻ കൃഷ്ണപ്രസാദ്, പ്രൊഫ.പി കെ ബാലകൃഷ്ണ കുറുപ്പ്, പ്രൊഫ.പി ആർ കേശവ ചന്ദ്രൻ, എം ബി രാജഗോപാൽ, എൻ.പി കൃഷ്ണകുമാർ എന്നിവർ ചേർന്നാണ് യുവശ്രേഷ്ഠ പുരസ്‌കാരം പ്രഖ്യാപിച്ചത്.