പാലക്കാട് സ്ത്രീയുടെ മൃതദേഹം റോഡരികിൽ കഴുത്തറുത്ത നിലയിൽ; പിന്നിൽ ദുരൂഹതയോ?

പാലക്കാട്: സ്ത്രീയുടെ മൃതദേഹം റോഡരികിൽ കഴുത്തറുത്ത നിലയിൽ കണ്ടെത്തി (Woman Dead Body Found In Palakkad). പാലക്കാട് പെരുവമ്പിലെ റോഡരികിലാണ് മൃതദേഹം കണ്ടെത്തിയത്. ഏകദേശം 40 വയസ് പ്രായമുള്ള സ്ത്രീയാണെന്നാണ് പ്രാഥമിക നിഗമനം. രാവിലെ മൃതദേഹം ശ്രദ്ധയിൽപ്പെട്ട നാട്ടുകാരാണ് പോലീസിനെ വിവരം അറിയിച്ചത്.

അതേസമയം കൊല്ലപ്പെട്ട സ്ത്രീ തമിഴ്‌നാട് സ്വദേശിനിയാണെന്നാണ് സൂചന. പരിസരത്ത് നിന്ന് മദ്യക്കുപ്പിയും വെട്ടുകത്തിയും കണ്ടെത്തിയിട്ടുണ്ട്. പോലീസ് സ്ഥലത്തെത്തി പരിശോധന ആരംഭിച്ചു. കൊലപാതകമാണെന്നാണ് പോലീസ് നിഗമനം. സംഭവവുമായി ബന്ധപ്പെട്ട് സ്ത്രീയെക്കുറിച്ച് പോലീസ് കൂടുതൽ അന്വേഷിച്ച് വരികയാണ്.