ആസിഡ് ആക്രമണത്തിൽ യുവതിക്ക് ഗുരുതര പരിക്ക് !! മുൻ ഭർത്താവ് അറസ്റ്റിൽ

കോഴിക്കോട് : പേരാമ്പ്രയിൽ യുവതിക്ക് നേരേ ആസിഡ് ആക്രമണം നടത്തിയ മുൻ ഭർത്താവ് അറസ്റ്റിലായി. പേരാമ്പ്ര കൂട്ടാലിട സ്വദേശിനി പ്രബിഷയാണ് ആക്രമിക്കപ്പെട്ടത്. പ്രബിഷയുടെ മുഖത്തും നെഞ്ചിലും പുറത്തും ഗുരുതര പൊള്ളലേറ്റു. യുവതിയെ കോഴിക്കോട് മെഡിക്കല്‍ കോളേജിലേക്ക് മറ്റി.

പ്രബിഷയുടെ മുന്‍ ഭര്‍ത്താവ് പ്രശാന്ത് ആണ് ആക്രമണം നടത്തിയത്. കോഴിക്കോട് ചെറുവണ്ണൂര്‍ ആയുര്‍വേദ ആശുപത്രിയില്‍ നടുവേദനയ്ക്ക് ചികിത്സയില്‍ കഴിഞ്ഞിരുന്ന യുവതിയെ ആശുപത്രിയില്‍ കടന്നു കയറി പ്രശാന്ത് ആക്രമിക്കുകയായിരുന്നുവെന്നാണ് വിവരം. പ്രബിഷയും പ്രശാന്തും മൂന്ന് വർഷങ്ങൾക്ക് മുമ്പ് വിവാഹ മോചിതരായിരുന്നു. ഓടിക്കൂടിയ ആശുപത്രി ജീവനക്കാരും നാട്ടുകാരും ചേർന്ന് യുവതിയെ പേരാമ്പ്ര ഗവ. താലൂക്ക് ആശുപത്രിയിലും തുടർന്ന് കോഴിക്കോട് മെഡിക്കൽ കോളജ് ആശുപത്രിയിലേക്കും മാറ്റി. ഇവർ ഇപ്പോൾ തീവ്രപരിചരണ വിഭാഗത്തിൽ ചികിത്സയിലാണ്.