ക്വാ​റി, ക്ര​ഷ​ര്‍ മേ​ഖ​ല നേരിടുന്നത് വലിയ പ്രതിസന്ധികൾ ;പരാതികളോട് മുഖം തിരിച്ച് സർക്കാർ, തൊഴിലാളികൾ അനിശ്ചിതകാല സമരത്തിലേക്ക്

കൊ​ച്ചി: സംസ്ഥാനത്ത് പ്രതിസന്ധികൾ നേരിടുന്ന ഒരു മേഖലയാണ് ക്വാ​റി, ക്ര​ഷ​ര്‍ മേ​ഖ​ല.ഒരുപാട് പ്രതിസന്ധികളിലൂടെയാണ് തൊഴിലാളികൾ കടന്ന് പോകുന്നത്. അധികാരികൾക്കും സർക്കാരിനും പരാതി നൽകിയെങ്കിലും പരാതികളോട് മുഖംതിരിക്കുകയാണ് അധികൃതർ. സ​ര്‍ക്കാ​ര്‍ ഇ​ട​പെ​ട​ല്‍ ഉ​ണ്ടാ​യി​ല്ലെ​ങ്കി​ല്‍ ജ​നു​വ​രി 31ന് ​ശേ​ഷം അ​നി​ശ്ചി​ത​കാ​ല സ​മ​രം തു​ട​ങ്ങാ​ൻ നി​ര്‍ബ​ന്ധി​ത​രാ​കു​മെ​ന്ന് ചെ​റു​കി​ട ക്വാ​റി ആ​ന്‍ഡ് ക്ര​ഷ​ര്‍ അ​സോ​സി​യേ​ഷ​ന്‍ (എ​സ്.​എ​സ്.​ക്യു.​എ) ജ​ന​റ​ല്‍ സെ​ക്ര​ട്ട​റി എം.​കെ. ബാ​ബു കൊ​ച്ചി​യി​ല്‍ വാ​ര്‍ത്ത ​സ​മ്മേ​ള​ന​ത്തി​ല്‍ പ​റ​ഞ്ഞു.കേ​ര​ള​ത്തി​ൽ മൂ​വാ​യി​ര​ത്തി​ലേ​റെ ക്വാ​റി​ക​ള്‍ ഉ​ണ്ടാ​യി​രു​ന്ന സം​സ്ഥാ​ന​ത്ത് ഇ​പ്പോ​ള്‍ എ​ഴു​നൂ​റോ​ളം മാ​ത്ര​മാ​ണു​ള്ള​ത്.

ഇ​വ​യി​ല്‍ ത​ന്നെ ബ​ഹു​ഭൂ​രി​പ​ക്ഷ​വും അ​ട​ഞ്ഞു​കി​ട​ക്കു​ക​യാ​ണ്. മു​ഖ്യ​മ​ന്ത്രി​യും വ്യ​വ​സാ​യ​മ​ന്ത്രി​യും വ്യ​വ​സാ​യ​ത്തി​ന് അ​നു​കൂ​ല നി​ല​പാ​ട്​ എ​ടു​ക്കു​ന്നു​ണ്ടെ​ങ്കി​ലും ഉ​ദ്യോ​ഗ​സ്ഥ​ത​ല​ത്തി​ല്‍ അ​തെ​ല്ലാം അ​ട്ടി​മ​റി​ക്ക​പ്പെ​ടു​ക​യാ​ണ്. വി​ജി​ല​ന്‍സ് അ​ന്വേ​ഷ​ണം പേ​ടി​ച്ച് ജി​യോ​ള​ജി വ​കു​പ്പ് ഉ​ദ്യോ​ഗ​സ്ഥ​ര്‍ ഒ​രു ജോ​ലി​യും ചെ​യ്യു​ന്നി​ല്ല. ഒ​രു ഫ​യ​ലും ഒ​പ്പി​ടാ​ന്‍ അ​വ​ര്‍ ത​യാ​റാ​കു​ന്നി​ല്ല.ശാ​സ്ത്രീ​യ പി​ന്‍ബ​ല​മി​ല്ലാ​ത്ത ആ​രോ​പ​ണ​ങ്ങ​ളാ​ണ് ക്വാ​റി​ക​ള്‍ക്കെ​തി​രെ ഉ​ന്ന​യി​ക്കു​ന്ന​ത്. സം​സ്ഥാ​ന​ത്തെ ക്വാ​റി​ക​ളെ​ക്കു​റി​ച്ച് പ​ഠ​നം ന​ട​ത്താ​ന്‍ ത​യാ​റാ​ക​ണം. കോ​ട​തി​ക​ളെ​പ്പോ​ലും തെ​റ്റി​ദ്ധ​രി​പ്പി​ച്ചി​രി​ക്കു​ക​യാ​ണ്. പ​രി​സ്ഥി​തി​വാ​ദം ഉ​യ​ര്‍ത്തു​ന്ന പ​ല​രും വ​ന്‍കി​ട ക്വാ​റി​ക​ളു​ടെ ബി​നാ​മി​ക​ളാ​ണെ​ന്നും അ​സോ​സി​യേ​ഷ​ന്‍ ഭാ​ര​വാ​ഹി​ക​ള്‍ പ​റ​ഞ്ഞു.