കോഴിക്കോട് മഞ്ഞപിത്തം വ്യാപിക്കുന്നതായി ആശങ്ക ! രോഗബാധിതയായി ചികിത്സയിലായിരുന്ന ആരോഗ്യപ്രവർത്തക മരിച്ചു

കോഴിക്കോട് ജില്ലയിൽ മഞ്ഞപിത്തം വ്യാപിക്കുന്നതായി ആശങ്ക. മഞ്ഞപ്പിത്തം ബാധിച്ച് കുറ്റ്യാടി താലൂക്ക് ആശുപത്രിയിലെ അനസ്തേഷ്യ വിഭാഗത്തിലെ ജീവനക്കാരി മരിച്ചു. മഞ്ഞപ്പിത്തം ബാധിച്ച് മൂന്നാഴ്ചയായി ചികിത്സയിലിരിക്കെയാണ് ജീവനക്കാരിയായ മേഘ്ന ഇന്ന് മരിച്ചത്. കഴിഞ്ഞ അഞ്ച് ദിവസത്തിനിടെ
ജില്ലയിൽ 46 പേർക്ക് മഞ്ഞപ്പിത്തം ബാധിച്ചതായാണ് ഔദ്യോഗിക സ്ഥിരീകരണം. ഇതിൽ കൂടുതൽ പേർ രോഗലക്ഷണങ്ങളുമായി ആശുപത്രികളിൽ ചികിത്സ തേടിയെന്നാണ് വിവരം.

മല മൂത്ര വിസർജനത്തിലൂടെയും വായുവിലൂടെയും പകരുന്ന വൈറൽ ഹെപ്പറ്റൈറ്റിസ് എ വിഭാഗത്തിൽപെട്ട മഞ്ഞപ്പിത്തമാണ് ജില്ലയിൽ വ്യാപിക്കുന്നത്. രോഗബാധിതനായാൽ രോഗലക്ഷണങ്ങൾ പ്രകടിപ്പിക്കാൻ രണ്ടാഴ്ച മുതൽ ഒരു മാസംവരെ എടുക്കും. രോഗലക്ഷണങ്ങൾ പ്രകടമാകുന്നതിന് മുന്നേ രോഗാണു മറ്റുള്ളവരിലേക്കു പകരും എന്നതാണ് ഇതിനെ കൂടുതൽ മാരകമാക്കുന്നത്.