കേരളം പുകയുന്നു. ലഹരി എത്തുന്നത് എവിടെ നിന്ന്. അതിർത്തി കടന്നെത്തുന്ന ലഹരിക്ക് പിന്നിൽ ആര്?

ദൈവത്തിന്റെ സ്വന്തം നാട്… പക്ഷേ കേരളം ഇന്ന് മറ്റൊരു ചോദ്യത്തിന് മുന്നിലാണ്. കഞ്ചാവും മറ്റ് ലഹരിവസ്തുക്കളും പിടികൂടുന്ന വാർത്തകൾ തുടർച്ചയായി പുറത്തുവരുന്നു. കഴിഞ്ഞ ദിവസങ്ങളിലും കോടികൾ വിലമതിക്കുന്ന ഹൈഡ്രോപോണിക് കഞ്ചാവ് ഉൾപ്പെടെയുള്ള ലഹരിവസ്തുക്കൾ കേരളത്തിൽ പിടികൂടി.അപ്പോൾ ചോദിക്കേണ്ടത് ഇതാണ്.
കേരളത്തിലേക്ക് ഇത്രയധികം ലഹരി എത്തുന്നത് എവിടെ നിന്നാണ്?
സംസ്ഥാന അതിർത്തി കടന്നെത്തുന്ന ലഹരിക്ക് പിന്നിൽ ആരാണ്?
ഇത് ചെറിയ സംഘങ്ങളുടെ ഇടപാടാണോ, അതോ അതിന് പിന്നിൽ വലിയ അന്തർസംസ്ഥാന ശൃംഖലയുണ്ടോ?
പിടിക്കപ്പെടുന്നത് കാരിയർമാരും ചെറിയ വിതരണക്കാരുമാണെങ്കിൽ,ഈ ശൃംഖലയുടെ മുകളിലുള്ളവരിലേക്ക് അന്വേഷണം എത്തുന്നുണ്ടോ?
ലഹരിയുടെ പണം എവിടേക്കാണ് പോകുന്നത്?
ആരാണ് ഈ കച്ചവടത്തിന് സാമ്പത്തിക പിന്തുണ നൽകുന്നത്?
നിയമസംവിധാനത്തിലെ പോരായ്മകളാണോ ഈ ശൃംഖലകൾക്ക് വളരാൻ അവസരം നൽകുന്നത്?
.പിടിക്കപ്പെടുന്ന ലഹരിയുടെ അളവിനേക്കാൾ വേഗത്തിൽ അതിന്റെ വിതരണ ശൃംഖല വളരുന്നുണ്ടോ?

ആരെയും തെളിവില്ലാതെ പ്രതിയാക്കേണ്ടതില്ല. പക്ഷേ ഈ ചോദ്യങ്ങൾക്ക് വ്യക്തമായ ഉത്തരം തേടേണ്ട സമയമാണിത്. കാരണം ഇത് കഞ്ചാവിന്റെ മാത്രം പ്രശ്നമല്ല…ഒരു തലമുറയുടെ സുരക്ഷയുടെ പ്രശ്നമാണ്. മാത്രമല്ല ഈ അവസ്ഥ ഇങ്ങനെ തുടർന്നാൽ ദൈവത്തിന്റെ സ്വന്തം നാട് നാളെ ​ലഹരിയുടെ നാടായി മാറും.