പരിഭ്രാന്തി വേണ്ട. പമ്പ ഡാമിന്റെ 6 ഷട്ടറുകളും തുറന്നു. ചിത്രങ്ങൾ കാണാം..

പത്തനംതിട്ട: പമ്പ ഡാമിന്റെ നാല് ഷട്ടറുകള്‍ കൂടി രണ്ടടി വീതം തുറന്നു. പരിഭ്രാന്തി വേണ്ടെന്നാണ് ജില്ലാ ഭരണകൂടം പറയുന്നത്. 2018 ലേതിന് സമാനമായ സാഹചര്യമില്ലെന്നും ജില്ലാ ഭരണകൂടം ആവര്‍ത്തിച്ച് പറയുന്നു. നീണ്ടകര, ആലപ്പാട് മേഖലകളില്‍ നിന്നും കൂടുതല്‍ മത്സ്യത്തൊഴിലാളികളെ മുന്‍കരുതലെന്നവണ്ണം സ്ഥലത്തെത്തിച്ചിട്ടുണ്ട്.

പത്തനംതിട്ട ജില്ലയിലെ ഡാമുകളുടെ വൃഷ്ടി പ്രദേശങ്ങളില്‍ മഴ അതിശക്തമായ രീതിയിൽ തുടരുന്ന സാഹചര്യത്തിൽ ആയിരുന്നു നേരത്തെ പമ്പ ഡാമിന്റെ രണ്ട് ഷട്ടറുകൾ ഉയർത്തിയത്.

അതിശക്തമായ മഴയുടെ അളവ് കണക്കിലെടുത്തും, നിലവില്‍ കേന്ദ്ര കാലാവസ്ഥാ വകുപ്പ് ഓഗസ്റ്റ് ഒന്‍പതിന് ജില്ലയില്‍ ഓറഞ്ച് അലര്‍ട്ട് പ്രഖ്യാപിച്ച സാഹചര്യത്തിലും ആണ് പമ്പ ഡാം തുറന്നിരിക്കുന്നത്.