രാജ്യത്ത് 24 മണിക്കൂറിനിടെ 62,064 പേര്‍ക്ക് കോവിഡ് , മരണം 1,007

ദില്ലി: രാജ്യത്ത് കോവിഡ് രോഗികളുടെ എണ്ണം ദിനംപ്രതി ഉയരുന്നു. തുടര്‍ച്ചയായി നാലാം ദിനവും അറുപതിനായിരത്തിന് മുകളില്‍ പോസിറ്റിവ് കേസുകളാണ് രാജ്യത്ത് റിപ്പോര്‍ട്ട് ചെയ്തിരിക്കുന്നത് . കഴിഞ്ഞ 24 മണിക്കൂറിനിടെ 62,064 പേര്‍ക്ക് പുതുതായി രോഗം ബാധിച്ചു . ഇതോടെ രാജ്യത്തെ ആകെ രോഗ ബാധിതരുടെ എണ്ണം 22,15,075 ആയി.

ഒരു ദിവസത്തിനിടെ 1,007 മരണങ്ങളും റിപ്പോര്‍ട്ട് ചെയ്തു. ഇതോടെ രോഗ ബാധയെത്തുടര്‍ന്ന് രാജ്യത്തെ മരണം 44,386 ആയി ഉയർന്നു . രാജ്യത്ത് രോഗ മുക്തി നേടുന്നവരുടെ എണ്ണം 15 ലക്ഷം കടന്നു. ഇതുവരെ 15,35,744 പേര്‍ രോഗ മുക്തരായതായി കേന്ദ്ര ആരോഗ്യ മന്ത്രാലയം അറിയിച്ചു. 69.33 ശതമാനമാണ് രാജ്യത്തെ രോഗമുക്തി നിരക്ക്. അതേസമയം, രണ്ട് ശതമാനമാണ് രാജ്യത്തെ കോവിഡ് മരണനിരക്ക്.