സുശാന്തിന്റെ വിയോഗം ഞെട്ടിപ്പിക്കുന്നത്.മനസ്സ് കുടുംബത്തിനൊപ്പം;ഹൃദയവേദനയോടെ നരേന്ദ്രമോദി

ദില്ലി: നടൻ സുശാന്ത് സിങ് രജ്പുതിന്റെ മരണത്തിൽ പ്രധാനമന്ത്രി നരേന്ദ്ര മോദി വേദനയും,അനുശോചനവും രേഖപ്പെടുത്തി.

‘സുശാന്ത് സിങ് രജ്പുത്… തിളങ്ങി നിന്ന ഒരു യുവനടൻ വളരെ വേഗം നമ്മളെ വിട്ടുപിരിഞ്ഞു. ടിവിയിലും സിനിമകളിലും അദ്ദേഹം ഒരുപോലെ മികവ് പുലർത്തി. വിനോദ ലോകത്ത് അദ്ദേഹത്തിന്റെ ഉയർച്ച പലരെയും പ്രചോദിപ്പിക്കുകയും അവിസ്മരണീയമായ നിരവധി പ്രകടനങ്ങളുടെ ഓർമകൾ അവശേഷിപ്പിക്കുകയും ചെയ്യുന്നു. മരണം വളരെയധികം ‍ഞെട്ടിപ്പിക്കുന്നതാണ്. എന്റെ മനസ്സ് അദ്ദേഹത്തിന്റെ കുടുംബത്തിനും ആരാധകർക്കും ഒപ്പമുണ്ട്. ഓം ശാന്തി.’ എന്ന് പ്രധാനമന്ത്രി ട്വിറ്ററിൽ കുറിച്ചു.

Sushant Singh Rajput…a bright young actor gone too soon. He excelled on TV and in films. His rise in the world of entertainment inspired many and he leaves behind several memorable performances. Shocked by his passing away. My thoughts are with his family and fans. Om Shanti.— Narendra Modi (@narendramodi) June 14, 2020

കേന്ദ്ര ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്നാഥ് സിങ്, ടെക്സ്റ്റൈൽ മന്ത്രി സ്മൃതി ഇറാനി, നിയമ മന്ത്രി രവിശങ്കർ പ്രസാദ് തുടങ്ങിയവരും സുശാന്തിന്റെ മരണത്തിൽ ഞെട്ടൽ രേഖപ്പെടുത്തി.