15-18 വയസ് പ്രായമുള്ള 70% കുട്ടികള്‍ കോവിഡ് ആദ്യ ഡോസ് വാക്‌സിന്‍ സ്വീകരിച്ചു; – കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യ

ദില്ലി: ഇന്ത്യയിലെ 15-18 പ്രായപരിധിയിലുള്ള 70% കുട്ടികള്‍ ഇതുവരെ കൊവിഡ്-19ന്റെ ആദ്യ ഡോസ് വാക്‌സിന്‍ സ്വീകരിച്ചുവെന്ന് കേന്ദ്ര ആരോഗ്യമന്ത്രി മന്‍സുഖ് മാണ്ഡവ്യ പറഞ്ഞു.

വാക്സിനേഷന് അര്‍ഹതയുള്ള ഈ പ്രായത്തിലുള്ള എല്ലാവരോടും എത്രയും വേഗം കുത്തിവയ്പ്പ് നടത്തണമെന്നും അദ്ദേഹം അഭ്യര്‍ത്ഥിച്ചു.

‘യുവ ഇന്ത്യ ലോകത്തിലെ ഏറ്റവും വലിയ വാക്‌സിനേഷന്‍ ഡ്രൈവിനെ കൂടുതല്‍ ശക്തിപ്പെടുത്തുന്നുണ്ടെന്നും 15-18 വയസ്സിനിടയിലുള്ള ഞങ്ങളുടെ 70% കുട്ടികൾക്കും അവരുടെ ആദ്യ ഡോസ് കൊവിഡ് വാക്‌സിന്‍ ലഭിച്ചിട്ടുണ്ടെന്നും,’ അദ്ദേഹം കൂട്ടിച്ചേർത്തു.