ഇക്വഡോറിലെ ജയിലിൽ സംഘർഷം; 15 തടവുകാർ കൊല്ലപ്പെട്ടു, 20 പേർക്ക് പരുക്ക്

ഇക്വഡോർ :കോട്ടോപാക്‌സി ജയിലിലുണ്ടായ സംഘർഷത്തിൽ 15 തടവുകാർ കൊല്ലപ്പെട്ടു. 20 പേർക്ക് പരുക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചു. കൊല്ലപ്പെട്ടവരുടെ മൃതദേഹങ്ങൾ തിരിച്ചറിയാനുള്ള നടപടിക്രമങ്ങൾ പുരോഗമിക്കുകയാണ്. ജയിൽ പരിസരത്ത് സുരക്ഷ ശക്തമാക്കിയിട്ടുണ്ടെന്ന് കോട്ടോപാക്‌സി ഗവർണർ അറിയിച്ചു

2021ൽ ഇക്വഡോറിലെ മറ്റൊരു ജയിലിലുണ്ടായ കലാപത്തിൽ 400 തടവുകാർ കൊല്ലപ്പെട്ടിരുന്നു. ഇക്വഡോറിലെ ജയിൽ സംവിധാനത്തിന്റെ പരാജയം കാരണമാണ് അടിക്കടി സംഘർഷമുണ്ടാകുന്നതെന്ന് ഇന്റർ അമേരിക്കൻ കമ്മീഷൻ ഓൺ ഹ്യൂമൻ റൈറ്റ്‌സ് പ്രതികരിച്ചു. ഔദ്യോഗിക കണക്കുകൾ പ്രകാരം ഇക്വഡോറിലെ ജയിലുകളിൽ ഏകദേശം 22,500 പേരുണ്ട്. ഇത് ജയിലുകളുടെ പരാമാവധി ശേഷിയേക്കാൾ 11 മടങ്ങ് അധികമാണ്.