പാലക്കാട് ദുരൂഹ സാഹചര്യത്തിൽ 2 പേർ വെടിയേറ്റ് മരിച്ച നിലയിൽ ; നാടൻ തോക്ക് കണ്ടെത്തി; പോലീസ് അന്വേഷണം തുടങ്ങി

പാലക്കാട് കല്ലടിക്കോട്ട് രണ്ട് പേരെ വെടിയേറ്റ് മരിച്ച നിലയില്‍ കണ്ടെത്തി. മൂന്നേക്കര്‍ മരുതംകാട് സ്വദേശി ബിനു(42)വിനെയും അയല്‍വാസി നിതിനെയും (26)ആണ് നാടന്‍തോക്കില്‍നിന്നുള്ള വെടിയേറ്റ് മരിച്ചനിലയില്‍ കണ്ടെത്തിയത്. നിതിന്റെ മൃതദേഹം വീട്ടിലും ബിനുവിന്റെ മൃതദേഹം റോഡിലുമാണ് കണ്ടെത്തിയത്. ബിനുവിന്റെ മൃതദേഹത്തിന് സമീപത്ത് നിന്ന് നാടൻ തോക്ക് കണ്ടെത്തി

റബ്ബര്‍ ടാപ്പിങ്ങിനെത്തിയ തൊഴിലാളികളിലൊരാള്‍, ബിനുവിന്റെ മൃതദേഹമാണ് ആദ്യം കണ്ടത്. പിന്നീടാണ് നിതിന്റെ മൃതദേഹം കണ്ടത്. ഇന്ന് വൈകുന്നേരം മൂന്നുമണിയോടെയാണ് സംഭവം. എന്നാൽ പ്രദേശത്ത് നിന്ന് വെടിയൊച്ച പോലുള്ള ശബ്ദങ്ങൾ കേട്ടിരുന്നില്ലെന്നാണ് സമീപവാസികൾ പറയുന്നത്. നിതിനെ കൊലപ്പെടുത്തിയ ശേഷം ബിനു ആത്മഹത്യ ചെയ്തതാകാം എന്നാണ് പ്രാഥമിക നിഗമനം