രണ്ടാം പിണറായി സർക്കാരിന്റെ അവസാന സമ്പൂർണ ബജറ്റ് ഇന്ന്!ക്ഷേമപെൻഷൻ വർദ്ധന അടക്കം ജനപ്രിയ പ്രഖ്യാപനങ്ങൾക്ക് സാധ്യത

തിരുവനന്തപുരം: സംസ്ഥാന സർക്കാരിന്റെ അവസാന സമ്പൂർണ ബജറ്റ് ഇന്ന്.രാവിലെ ഒൻപത് മണിയ്ക്ക് ധനമന്ത്രി കെ. എൻ ബാലഗോപാൽ ബജറ്റ് അവതരിപ്പിക്കും.ക്ഷേമ പെൻഷൻ വർദ്ധിപ്പിക്കുന്നത് ഉൾപ്പെടെയുള്ള ജനപ്രിയ പ്രഖ്യാപനങ്ങൾ ഉണ്ടാകുമെന്നാണ് സർക്കാർ വാഗ്ദാനം.കടുത്ത സാമ്പത്തിക പ്രതിസന്ധിക്കിടെ വികസന പ്രഖ്യാപനങ്ങൾ ഉൾക്കൊള്ളുന്നാതണോ അവതരിപ്പിക്കാൻ പോകുന്ന ബജറ്റ് എന്ന് ഉറ്റുനോക്കുകയാണ് കേരളം.

പിണറായി സർക്കാരിന്റെ അവസാന ബജറ്റ് കൂടിയായതിനാൽ നിർണായക പ്രഖ്യാപനങ്ങൾ പ്രതീക്ഷിക്കുന്നുണ്ട്. ക്ഷേമപെൻഷൻ വർദ്ധിപ്പിക്കുന്നത് ഉൾപ്പെടെയുള്ള പൊതുജനങ്ങൾക്ക് നേട്ടമാകുന്ന പ്രഖ്യാപനങ്ങൾ ഇക്കുറി ഉണ്ടാകുമെന്നാണ് വിലയിരുത്തൽ.കഴിഞ്ഞ സാമ്പത്തിക വർഷത്തെ സാമ്പത്തിക അവലോകന റിപ്പോർട്ട് ഇന്ന് നിയമസഭയിൽ സമർപ്പിക്കും. അധിക വിഭവ സമാഹ​രണം ലക്ഷ്യമിട്ട് നികുതിയേതര ഫീസുകൾ കൂട്ടിയേക്കും. വയനാട് പുനരധിവാസത്തിന് പ്രത്യേക പാക്കേജുകളും പ്രഖ്യാപിക്കാൻ സാധ്യതയുണ്ട്. വിഴിഞ്ഞ തുറമുഖം കേന്ദ്രീകരിച്ചുള്ള വികസനത്തിനായി പണം നീക്കിവയ്‌ക്കാനും സാധ്യത ഉണ്ടെന്നാണ് വിലയിരുത്തൽ .കൂടാതെ പെൻഷനിൽ 100 മുതൽ 200 രൂപവരെയുള്ള വർദ്ധനവാണ് പ്രതീക്ഷിക്കുന്നത്. 150 രൂപ വർദ്ധിപ്പിച്ച് ക്ഷേമ പെൻഷൻ 1750 ആക്കണം എന്ന ശുപാർശ നിലവിൽ സർക്കാർ മുൻപാകെ ഉണ്ട്.വയനാടിന്റെ പുന:രധിവാസത്തിനായുള്ള പ്രഖ്യാപനങ്ങളും ഇക്കുറി ബജറ്റിൽ പ്രതീക്ഷിക്കുന്നുണ്ട്. വയനാടിന് പ്രത്യേക പാക്കേജ് നൽകിയേക്കും. ദുരിത ബാധിതകർക്കുള്ള ധനസഹായവും തുടരും. വിഴിഞ്ഞം തുറമുഖത്തിന് ഗുണം ചെയ്യുന്ന പ്രഖ്യാപനങ്ങളും ബജറ്റിൽ പ്രതീക്ഷിക്കുന്നുണ്ട്.