60 days of military training exclusively to students from minority communities.
കർണാടകയിലെ കോൺഗ്രസ് സർക്കാർ ന്യൂനപക്ഷ വിഭാഗങ്ങളിലെ വിദ്യാർഥികൾക്ക് മാത്രമായി 60 ദിവസത്തെ സൈനിക പരിശീലനം നൽകാൻ ക്ഷണിച്ച ടെൻഡർ വിവാദത്തിൽ. 2026–27 അധ്യയന വർഷത്തിൽ പദ്ധതി നടപ്പാക്കുന്നതിനായി നവംബർ രണ്ടിനാണ് സംസ്ഥാന ന്യൂനപക്ഷ ഡയറക്ടറേറ്റ് ടെൻഡർ വിജ്ഞാപനം പുറത്തിറക്കിയത്. ഇന്ത്യൻ സൈന്യത്തിലേക്കും മറ്റ് പ്രതിരോധ-യൂണിഫോം സർവീസുകളിലേക്കും പ്രവേശനം ലക്ഷ്യമിട്ടുള്ള പരിശീലനമാണ് പദ്ധതിയിലൂടെ ഉദ്ദേശിക്കുന്നതെന്നാണ് ലഭ്യമായ ടെൻഡർ വിവരങ്ങൾ സൂചിപ്പിക്കുന്നത്. എന്നാൽ പൊതുജനങ്ങളുടെ നികുതിപ്പണം ഉപയോഗിച്ച് നടപ്പാക്കുന്ന ദേശീയ പ്രതിരോധവുമായി ബന്ധപ്പെട്ട പരിശീലനത്തിൽ ഹിന്ദു ഉൾപ്പെടെയുള്ള മറ്റ് സമുദായങ്ങളിലെ വിദ്യാർഥികളെ ഒഴിവാക്കുന്നത് എന്തിനാണെന്ന ചോദ്യം ഉയർത്തിയാണ് വിശ്വഹിന്ദു പരിഷത്ത് രംഗത്തെത്തിയത്. പദ്ധതിയുടെ ലക്ഷ്യം, ഗുണഭോക്താക്കളുടെ എണ്ണം, പരിശീലനച്ചെലവ്, തിരഞ്ഞെടുപ്പ് മാനദണ്ഡങ്ങൾ എന്നിവ സർക്കാർ വ്യക്തമാക്കണമെന്നും സംഘടന ആവശ്യപ്പെട്ടു.
മതത്തിന്റെ അടിസ്ഥാനത്തിൽ ഇത്തരം പരിശീലനത്തിന് അർഹത നിശ്ചയിക്കുന്നത് ഭരണഘടന ഉറപ്പുനൽകുന്ന തുല്യനീതിയുടെ തത്വങ്ങളുമായി പൊരുത്തപ്പെടുന്നുണ്ടോയെന്നും വിഎച്ച്പി ചോദിച്ചു. പദ്ധതിയുടെ വിശദാംശങ്ങൾ പുറത്തുവിടണമെന്നും പൊതുപണം ചെലവഴിക്കുന്നതിൽ സുതാര്യത ഉറപ്പാക്കണമെന്നും ആവശ്യപ്പെട്ട് സംഘടന അന്വേഷണം ആവശ്യപ്പെട്ടിട്ടുണ്ട്. മുതിർന്ന അഭിഭാഷകനും സാമൂഹിക പ്രവർത്തകനുമായ ഗിരീഷ് ഭാരദ്വാജും ടെൻഡർ പിൻവലിക്കണമെന്ന് ആവശ്യപ്പെട്ട് സംസ്ഥാന ചീഫ് സെക്രട്ടറിക്ക് കത്തയച്ചിട്ടുണ്ട്. പദ്ധതിയുടെ ഗുണഭോക്തൃ മാനദണ്ഡങ്ങളും ചെലവും സംബന്ധിച്ച കൂടുതൽ വ്യക്തതയ്ക്കായുള്ള ആവശ്യം ഇതോടെ ശക്തമായിരിക്കുകയാണ്.
ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…
ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…
കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…
ജമ്മു കശ്മീരിലെ കുൽഗാമിൽ സിആർപിഎഫ് ക്യാമ്പിന് നേരെയുണ്ടായ ഭീകരാക്രമണവുമായി ബന്ധമുള്ള രണ്ട് ലഷ്കർ-ഇ-ത്വയ്ബ ഭീകരരെ സുരക്ഷാസേന ഏറ്റുമുട്ടലിൽ വധിച്ചു. നവംബർ…
തമിഴ്നാട്ടിൽ ജെം ഗ്രാനൈറ്റ്സ് ഉടമ ആർ. വീരമണിക്കെതിരായ പോക്സോ കേസുകളുടെ അന്വേഷണത്തിൽ നിർണായക വഴിത്തിരിവ്. കേസിൽ വീഴ്ച വരുത്തിയെന്ന ആരോപണത്തെ…
ഭാരതത്തിന്റെ പൗരാണിക വിശ്വാസങ്ങളുടെയും പ്രകൃതി ആരാധനാ പാരമ്പര്യത്തിന്റെയും മഹത്തായ അടയാളമായ ഛഠ് മഹാപർവത്തിന് ഭക്തിനിർഭരമായ സമാപനം. നവംബർ 16-ന് പുലർച്ചെ…