ഒന്നു ഓടിക്കളിക്കാനൊരിടം, എല്ലാവരും ഒത്തു പിടിച്ചപ്പോൾ കിട്ടിയത് അരഏക്കറോളം സ്ഥലംപാലക്കാട് മണ്ണാർക്കാട് പയ്യനടം എൽ.പി സ്കൂൾ കുട്ടികൾ ഹാപ്പി

പാലക്കാട്: വിദ്ധ്യർത്ഥികൾക്കും അദ്ധ്യാപകർക്കുമൊപ്പം നാട്ടുകാരും മുന്നിട്ടിറങ്ങിയതോടെ കുരുന്നു കുട്ടികൾക്ക് കളിക്കാനൊരിടമായി. പാലക്കാട് മണ്ണാർക്കാട് പയ്യനടം എൽ.പി സ്കൂളിലാണ് ജനകീയ കൂട്ടായ്മയിൽ പി.ടി.ഐയുടേയും പങ്കാളിത്തത്വോടെ പുതിയ കളിസ്ഥലമൊരുങ്ങുന്നത്. നഴ്സറി മുതൽ നാലാം ക്ലാസ് വരെയുള്ള സ്കൂളിൽ 300 കുട്ടികളാണ് പഠിക്കുന്നത്. കുരുന്നുകുട്ടികൾക്ക് കളിക്കാനൊരിടം സ്കൂൾ കോബൗണ്ടിലില്ല.

   വിദ്ധ്യാർത്ഥികളുടെ ആഗ്രഹസഫലീകരണത്തിന് നാട്ടുകാരെത്തി ജനകീയ സമിതി രൂപീകരിച്ചു. വിദ്യാലയത്തിനു സമീപത്തെ 46 സെന്‍റ് സ്ഥലം വാങ്ങുന്നതിനു 41 ലക്ഷം രൂപയാണ് ആവശ്യം. ഇതിനായി  ഒന്നരവർഷത്തിനിടെ കണ്ടെത്തിയത് 21 ലക്ഷം രൂപയാണ്. നാലര ലക്ഷത്തോളം രൂപ ബിരിയാണി ഫെസ്റ്റിവൽ നടത്തിയും സമാഹരിച്ചു. 

  മുന്നൂറോളം കുട്ടികൾ പണക്കുറ്റി വഴി ഒരു ലക്ഷത്തോളം രൂപ സംഭാവന നൽകി. പൂർവ്വ വിദ്ധ്യാർത്ഥികൾ, രക്ഷിതാക്കൾ, അഭ്യുദയകാംക്ഷികൾ എന്നിവരിൽ നിന്നായി ബാക്കി തുകയും കണ്ടത്തി. പഞ്ചായത്തും ബ്ലോക്ക് പഞ്ചായത്തും പദ്ധതി വിഹിതം നൽകാമെന്ന് പറഞ്ഞതോടെ ഒരു നാടിന്‍റെ പ്രയത്നം ലക്ഷ്യത്തിനടുത്തെത്തി. ബാക്കിയുള്ള മൂന്ന് ലക്ഷത്തിനായി അടുത്ത മാസം ഫുട്ബോൾ ടൂർണമെന്‍റും നടത്തും.