ഇടുക്കിയിൽ പ്ലസ് ടു വിദ്യാർഥിനിയെ തട്ടിക്കൊണ്ടുപോയി പീഡിപ്പിച്ചു; പ്രതിയെ പോക്‌സോ ചുമത്തി അറസ്റ്റ് ചെയ്ത് പോലീസ്

ഇടുക്കി:പ്രായപൂർത്തിയാകാത്ത പെൺകുട്ടിയെ തട്ടിക്കൊണ്ടുപോയി പീഡിപ്പിച്ച കേസിൽ യുവാവ് അറസ്റ്റിൽ. കോവിലൂർ കൊങ്കമണ്ടി വീട്ടിൽ ഹരിശ്ചന്ദ്രൻ എന്ന ഹരിയാണ് പിടിയിലായത്. പ്ലസ് ടു വിദ്യാർഥിനയിെ കാണാനില്ലെന്ന പരാതിയിൽ പോലീസ് നടത്തിയ അന്വേഷണത്തിലാണ് പീഡന വിവരം അറിയുന്നത്

പ്രതി പെൺകുട്ടിയെ തട്ടിക്കൊണ്ടുപോയതായി പോലീസ് കണ്ടെത്തുകയായിരുന്നു. ലൈംഗികാതിക്രമം നടന്നുവെന്ന് പെൺകുട്ടി മൊഴി നൽകിയതോടെ പോക്‌സോ കേസ് ചുമത്തി കേസെടുക്കുകയായിരുന്നു. ശാസ്ത്രീയപരിശോധനയിൽ കുട്ടി പീഡനത്തിന് ഇരയായെന്നും വ്യക്തമായി. വട്ടവടയിൽ നിന്നാണ് പ്രതിയെ പിടികൂടിയത്.