വീണ്ടും കണ്ണീർ കടൽ !!!പുതുവർഷമാഘോഷിക്കാൻ വർക്കലയിൽ എത്തിയ യുവാവ് തിരയിൽപെട്ട് മരിച്ചു

തിരുവനന്തപുരം : പുതുവർഷ ആഘോഷങ്ങൾക്കായി വർക്കലയിൽ എത്തിയ യുവാവ് തിരയിൽപ്പെട്ട് മരിച്ചു. ബെംഗളൂരു സ്വദേശി അരൂപ് ഡേയാണ് ഇന്ന് മരിച്ചത്. ഇന്ന് രാവിലെ 9.30ഓടെയാണ് സംഭവം. ബെംഗളൂരുവിൽ നിന്ന് അരൂപ് ഡേയും ഭാര്യയും സുഹൃത്തുക്കളുമടങ്ങുന്ന 11 അംഗ സംഘമാണ് വർക്കലയിലെ റിസോർട്ടിൽ എത്തിയത്.

ഓടയം ബീച്ചിലെ റിസോർട്ടിലാണ് ഇവർ തങ്ങിയിരുന്നത്. റിസോർട്ടിന് സമീപത്തെ ബീച്ചിൽ കുളിക്കാനിറങ്ങിയപ്പോൾ അരൂപ് മുങ്ങിത്താഴുകയായിരുന്നു. സമീപത്തെ മത്സ്യത്തൊഴിലാളികളും സുഹൃത്തുക്കളും ചേർന്ന് യുവാവിനെ രക്ഷപ്പെടുത്തി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.