തെങ്കാശിയിൽ വാഹനാപകടം ; ക്ഷേത്രദർശനം കഴിഞ്ഞ് മടങ്ങിയ ഒരു കുടുംബത്തിലെ 5 പേർ മരിച്ചു; നിരവധിപേർക്ക് പരിക്ക്

തെന്മല: തമിഴ്‌നാട് തെങ്കാശി ശങ്കരൻകോവിലിന് സമീപം സ്കൂള്‍ ബസും കാറും കൂട്ടിയിടിച്ച് 5 പേര്‍ക്ക് ദാരുണാന്ത്യം. നിരവധിയാളുകൾക്ക് പരിക്കേറ്റുവെന്നാണ് വിവരം. ഇന്ന് വൈകുന്നേരമായിരുന്നു അപകടം. കാർ യാത്രക്കാരാണ് മരിച്ചത്. ഇവർ തിരുച്ചെന്തൂർ ക്ഷേത്രത്തിലെ ദർശനത്തിന് ശേഷം മടങ്ങി വരികയായിരുന്നു.

ബന്ദപ്പുളി ഗ്രാമത്തിലെ ഗുരുസ്വാമി, വെളുത്തൈ, ഉദയമ്മാൾ, മനോജ്, കുമാർ എന്നിവരാണ് മരിച്ചത്. ഇവർ കുടുംബാംഗങ്ങളാണെന്ന് പോലീസ് വൃത്തങ്ങൾ അറിയിച്ചു. സംഭവത്തിൽ അന്വേഷണം നടത്താൻ തെങ്കാശി ജില്ലാ കലക്ടർ ദുരൈ രവിചന്ദ്രന്‍ ഉത്തരവിട്ടിട്ടുണ്ട്. തെങ്കാശി ജില്ലാ പൊലീസ് സൂപ്രണ്ട് സാംസണ്‍ അപകടസ്ഥലം സന്ദർശിച്ചു. മരിച്ചവരുടെ മൃതദേഹം ശങ്കരന്‍കോവില്‍ താലൂക്ക് ആശുപത്രിയിലേക്ക് മാറ്റി