ലഖ്‌നൗവിൽ കുളത്തിലേക്ക് ട്രാക്ടർ ട്രോളി മറിഞ്ഞു ; ഒമ്പത് പേർ മരിച്ചു; നിരവധി പേർക്ക് പരിക്കേറ്റു

ലഖ്‌നൗ: ഇറ്റൗഞ്ചയിലെ കുളത്തിലേക്ക് ട്രാക്ടർ ട്രോളി മറിഞ്ഞതിനെ തുടർന്ന് ഒമ്പത് പേർ മരിച്ചു.നിരവധി പേർക്ക് പരിക്കേറ്റു.

ട്രാക്ടർ ട്രോളിയിൽ ആകെ 46 പേർ ഉണ്ടായിരുന്നതായും അപകടത്തിൽ ഒമ്പത് പേർ മരിച്ചതായും പോലീസ് അറിയിച്ചു. പരിക്കേറ്റ 12 പേരെ ഇറ്റൗഞ്ചയിലെ കമ്മ്യൂണിറ്റി ഹെൽത്ത് സെന്ററിൽ (സിഎച്ച്സി) പ്രവേശിപ്പിച്ചു.

ട്രാക്ടർ ട്രോളിയിലുണ്ടായിരുന്ന യാത്രക്കാർ മോഹനയിൽ നിന്ന് ചന്ദ്രികാദേവിയെ ദർശിക്കാനായി പോകുകയായിരുന്നു. രക്ഷാപ്രവർത്തനം പുരോഗമിക്കുന്നുണ്ട്.നിരവധി പേരെ രക്ഷപ്പെടുത്തി ആശുപത്രിയിലേക്ക് മാറ്റിയിട്ടുണ്ട്.

നിരവധി യാത്രക്കാർ ട്രോളിക്കടിയിൽ കുടുങ്ങിയതായി ആശങ്ക പോലീസ് പ്രകടിപ്പിച്ചു.