സമരത്തിന് കൊടിപിടിക്കാൻ ആളില്ല; തൊഴിലുറപ്പ് രേഖകളിൽ ഒപ്പിട്ട് സിപിഎം സമരത്തിന് പോയവരെ പൊക്കി; അധികാരികളുടെ നടപടി ബിജെപി പ്രവർത്തകരുടെ പ്രതിഷേധത്തെ തുടർന്ന്!

കുന്നത്തുകാൽ ഗ്രാമ പഞ്ചായത്തിലെ മൂവേരിക്കര വാർഡിൽ തൊഴിലുറപ്പ് രേഖകളിൽ ഒപ്പിട്ടശേഷം സിപിഎം ൻ്റെ പോസ്‌റ്റോഫീസ് സമരത്തിന് പോയ തൊഴിലുറപ്പ് മേറ്റിനും തൊഴിലാളികൾക്കുമെതിരെ നടപടിയെടുക്കണമെന്നാവശ്യപ്പെട്ട് ബിജെപി പ്രവർത്തകർ സമരം നടത്തി. പ്രതിഷേധത്തിന് പിന്നാലെ സ്ഥലത്തെത്തിയ പഞ്ചായത്ത് സെക്രട്ടറിയും എഇയും പരിശോധനയ്ക്ക് ശേഷം തൊഴിലെടുക്കാതെ ഒപ്പുവച്ച് പാർട്ടി സമരത്തിന് പോയവർക്കെതിരെ നടപടി സ്വീകരിക്കുമെന്ന് ഉറപ്പ് നൽകി. ഇതോടെയാണ് ബിജെപി പ്രതിഷേധം അവസാനിപ്പിച്ചത്.

ബിജെപി പാലിയോട് ഏര്യാ പ്രസിഡൻ്റും ഗ്രാമ പഞ്ചായത്ത് മെമ്പറുമായ റ്റി ഐ അഭിലാഷ് പ്രതിഷേധത്തിന് നേതൃത്വം നൽകി. കർഷക മോർച്ച ജില്ലാ ജനറൽ സെക്രട്ടറി നാറാണി സുധാകരൻ, ഗ്രാമപഞ്ചായത്തംഗം ചെറിയ കൊല്ലപ്രദീപ്, മണ്ഡലം മീഡിയ സെൽ കൺവീനർ സജിചന്ദ്രൻ, ഏരിയ ജനറൽ സെക്രട്ടറി മണിനാട് സന്തോഷ് എന്നിവരും പങ്കെടുത്തു