കൊല്ലത്ത് മകനെ കരയിൽ ഉപേക്ഷിച്ച ശേഷം അമ്മ ആറ്റിൽ ചാടി മരിച്ചു;അഞ്ചു വയസുകാരന്റെ കണ്ണുനീർ ഒപ്പാൻ കഴിയാതെ നാട്ടുകാർ

കൊല്ലം : അഞ്ചു വയസുകാരനായ മകനെ കരയിൽ ഉപേക്ഷിച്ച ശേഷം അമ്മ ആറ്റിൽ ചാടി മരിച്ചു.കൊല്ലം മൺറോതുരുത്തായിരുന്നു സംഭവം.പേരേത്ത് സ്വദേശിനി ചെറുപുഷ്പമാണ് മരിച്ചത്.

മകൻ നദിക്കരയിൽ നിന്ന് നിർത്താതെ കരയുന്നത് ശ്രദ്ധയിൽപ്പെട്ട നാട്ടുകാർ വിവരം തിരക്കിയതോടെയാണ് സംഭവത്തെക്കുറിച്ച് അറിയുന്നത്.ഉടൻതന്നെ നാട്ടുകാരെല്ലാം ചേർന്ന് പോലീസിനെ വിവരം അറിയിക്കുകയായിരുന്നു.തുടർന്ന് തിരച്ചിൽ നടത്തുകയും യുവതിയുടെ മൃതദേഹം കണ്ടെത്തുകയും ചെയ്തു. മൃതദേഹം ശാസ്താംകോട്ട താലൂക്ക് ആശുപത്രിയിലേക്ക് മാറ്റി.