വിരമിച്ച പൈലറ്റുമാരെ തിരികെ വിളിക്കാനൊരുങ്ങി എയര്‍ ഇന്ത്യ; അഞ്ച് വര്‍ഷത്തെ കരാറില്‍ വീണ്ടും ജോലി, പൈലറ്റുമാർക്ക് വാഗ്ദാനവുമായി കമ്പനി

ദില്ലി: വിരമിച്ച പൈലറ്റുമാർക്ക് വാഗ്ദാനവുമായി എയര്‍ ഇന്ത്യ. വിരമിച്ച പൈലറ്റുമാരോട് അഞ്ച് വര്‍ഷത്തെ കരാറില്‍ വീണ്ടും കയറാനാണ് കമ്പനി ആവശ്യപ്പെട്ടിരിക്കുന്നത്. റിപ്പോര്‍ട്ടുകള്‍ പ്രകാരം, കമാന്‍ഡര്‍ പദവിയില്‍ നിന്ന് വിരമിച്ച പൈലറ്റുമാരെ ആയിരിക്കും തിരികെ വിളിക്കുന്നത്.

നിലവില്‍ എയര്‍ ഇന്ത്യയില്‍ ജോലി ചെയ്യുന്ന പൈലറ്റുമാരുടെ വിരമിക്കല്‍ പ്രായം 58 വയസാണ്. വിരമിച്ച പൈലറ്റുമാരെ തിരികെ വിളിക്കുന്നതോടെ, 65 വയസുവരെ പൈലറ്റായി ജോലി ചെയ്യാമെന്ന വാഗ്ദാനമാണ് എയര്‍ ഇന്ത്യ നല്‍കുന്നത്. അടുത്തിടെയാണ് എയര്‍ ഇന്ത്യ 300 ഓളം പുതിയ വിമാനങ്ങള്‍ വാങ്ങാന്‍ ഒരുങ്ങുന്നുവെന്ന റിപ്പോർട്ടുകൾ പുറത്ത് വന്നിരുന്നു.