വാരാണസി: ഗ്യാൻ വാപി കേസിൽ ആർക്കിയോളജിക്കൽ സർവ്വേ ഓഫ് ഇന്ത്യയുടെ പരിശോധന തടയണമെന്ന മുസ്ലിം വിഭാഗത്തിന്റെ ആവശ്യം പരിഗണിച്ച അലഹാബാദ് ഹൈക്കോടതി ഇന്ന് വിധി പറയും. തർക്ക മന്ദിരത്തിൽ ആർക്കിയോളജിക്കൽ സർവ്വേ ഓഫ് ഇന്ത്യയുടെ പരിശോധന നടത്തണമെന്ന് നേരത്തെ വാരാണസി കോടതി ഉത്തരവിട്ടിരുന്നു. ഇത് ചോദ്യം ചെയ്ത് മുസ്ലിം വിഭാഗം സുപ്രീംകോടതിയിൽ ഹർജി സമർപ്പിച്ചിരുന്നു. സുപ്രീംകോടതി നിർദ്ദേശപ്രകാരമാണ് അലഹബാദ് ഹൈക്കോടതി വിഷയത്തിൽ വാദം കേട്ടത്. ആർക്കിയോളജിക്കൽ സർവേ ഓഫ് ഇന്ത്യയുടെ 30 അംഗ സംഘം കഴിഞ്ഞ 24 നു തന്നെ തർക്കമന്ദിരത്തിൽ പരിശോധന തുടങ്ങിയിരുന്നു. അത് നിർത്തിവയ്ക്കണമോ തുടരണമോ എന്നായിരിക്കും ഇന്ന് അലഹബാദ് ഹൈക്കോടതി വിധി പറയുക.
കാശി വിശ്വനാഥ ക്ഷേത്രത്തോട് ചേർന്നിരിക്കുന്ന തർക്കമന്ദിരമാണ് ഗ്യാൻ വാപി. നിലവിൽ അത് മോസ്‌ക് ആണെങ്കിലും പുരാതന ഹിന്ദു ക്ഷേത്രമായ ശ്രിംഗാർ ഗൗരി ക്ഷേത്രം തകർത്താണ് മുഗൾ ഭരണകാലത്ത് മോസ്‌ക് നിർമ്മിച്ചത് എന്നാണ് ഹിന്ദു വിഭാഗം ആരോപിക്കുന്നത്. തർക്കമന്ദിരത്തിനുള്ളിൽ ഹിന്ദു വിഗ്രഹങ്ങളുണ്ടെന്നും അവിടെ ആരാധന സ്വാതന്ത്ര്യം വേണമെന്നുമാണ് അവരുടെ ആവശ്യം. തർക്കത്തെ തുടർന്ന് കോടതി ഉത്തരവിൻ പ്രകാരം നടത്തിയ വീഡിയോ സർവേയിൽ മന്ദിരത്തിനുള്ളിൽ ശിവലിംഗം കണ്ടെത്തിയിരുന്നു. അതിനെ തുടർന്നാണ് വാരാണസി ജില്ലാക്കോടതി ആർക്കിയോളജിക്കൽ സർവ്വേ ഓഫ് ഇന്ത്യയുടെ നേതൃത്വത്തിൽ ശാസ്ത്രീയ പരിശോധന നടത്താൻ ഉത്തരവിട്ടത്.
കോഴിക്കോട്:ബാർ കോഴ വിവാദത്തിൽ എക്സൈസ് മന്ത്രി എം ബി രാജേഷിനെ പരിഹസിച്ച് പ്രതിപക്ഷ നേതാവ് വി ഡി സതീശൻ. എക്സൈസ്…
തിരുവനന്തപുരം: മാസങ്ങൾ നീണ്ട തെരഞ്ഞെടുപ്പ് അവസാനിക്കുമ്പോൾ പതിവ് പോലെ ധ്യാനമിരിക്കാൻ പ്രധാനമന്ത്രി നരേന്ദ്രമോദി. ഇത്തവണ അദ്ദേഹം ഇതിനായി തെരെഞ്ഞെടുത്തിരിക്കുന്നത് കന്യാകുമാരി…
പെരിയാർ നദിയിൽ വീണ്ടും മീനുകൾ ചത്തു പൊങ്ങി. ചൂർണിക്കര ഇടമുള പാലത്തിൻറെ സമീപത്താണ് മീനുകൾ ചത്തുപൊങ്ങിയത്. രാവിലെ നദിയിൽ കുളിക്കാൻ…
തിരുവനന്തപുരം: ബാർ കോഴ കേസിൽ അന്വേഷണസംഘത്തിന്‍റെ മൊഴിയെടുപ്പ് തുടരുന്നു. അനിമോൻ ശബ്ദസന്ദേശമിട്ട ഗ്രൂപ്പിലെ മറ്റു ബാറുടമകളുടെ മൊഴി ഇന്ന് രേഖപ്പെടുത്തും.…
തിരുവനന്തപുരം: സംസ്ഥാനത്ത് ഇന്ന് വിവിധ ജില്ലകളിൽ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. പത്തനംതിട്ട, ആലപ്പുഴ,…