ഒന്നരവയസ്സുകാരിയുടെ മരണം; കുട്ടിയെ കൊന്നത് മൂ​ക്കും വാ​യും പൊ​ത്തി​പ്പി​ടിച്ച്, കു​ഞ്ഞു ക​ര​ഞ്ഞ​പ്പോ​ള്‍ പെ​ട്ടെ​ന്നു​ണ്ടാ​യ ദേ​ഷ്യ​ത്തി​ല്‍ ചെ​യ്ത​താണെന്നും അമ്മ ആതിര

ആ​ല​പ്പു​ഴ: ചേ​ര്‍​ത്ത​ല​യി​ല്‍ പി​ഞ്ചു​കു​ഞ്ഞ് മ​രി​ച്ച​ത് മൂ​ക്കും വാ​യും പൊ​ത്തി​പ്പി​ടി​ച്ച​പ്പോ​ഴാ​ണെ​ന്ന് അ​മ്മ ആ​തി​ര​യു​ടെ മൊ​ഴി. കു​ഞ്ഞു ക​ര​ഞ്ഞ​പ്പോ​ള്‍ പെ​ട്ടെ​ന്നു​ണ്ടാ​യ ദേ​ഷ്യ​ത്തി​ല്‍ ചെ​യ്ത​താണെന്നും കൊ​ല്ലാ​ന്‍ ഉ​ദ്ദേ​ശി​ച്ചി​രു​ന്നി​ല്ലെ​ന്നും അ​ബ​ദ്ധം പ​റ്റി​യാ​താ​ണെ​ന്നും ആ​തി​ര മൊ​ഴി ന​ല്‍​കി. എ​ന്നാ​ല്‍ ഈ ​മൊ​ഴി പോ​ലീ​സ് പൂ​ര്‍​ണ​മാ​യും വി​ശ്വാ​സ​ത്തി​ലെ​ടു​ത്തി​ട്ടി​ല്ല. മ​രി​ച്ച കു​ട്ടി​ക്ക് ര​ണ്ട് മാ​സം മാ​ത്രം പ്രാ​യ​മു​ണ്ടാ​യി​രു​ന്ന​പ്പോ​ള്‍ മു​ത​ല്‍ ആ​തി​ര മ​ര്‍​ദി​ച്ചി​രു​ന്നു​വെ​ന്ന് കു​ട്ടി​യു​ടെ മു​ത്ത​ശി കഴിഞ്ഞ ദിവസം പൊ​ലീ​സി​ന് മൊ​ഴി ന​ല്‍​കി​യി​രുന്നു.

ഒ​ന്നേ​കാ​ല്‍ വ​യ​സു​മാ​ത്രം പ്രാ​യ​മു​ള്ള കു​ഞ്ഞി​നെ ശ്വാ​സം​മു​ട്ടി​ച്ചു കൊ​ന്ന സം​ഭ​വ​ത്തി​ല്‍ ആ​തി​ര​യെ പോ​ലീ​സ് അ​റ​സ്റ്റ് ചെ​യ്തി​രു​ന്നു. ചോ​ദ്യം ചെ​യ്യ​ലി​ല്‍ യു​വ​തി കു​റ്റം സ​മ്മ​തി​ച്ചു. കൊ​ല​പാ​ത​ക സ​മ​യ​ത്ത് കു​ട്ടി​യു​ടെ പി​താ​വ് വീ​ട്ടി​ല്‍ ഉ​ണ്ടാ​യി​രു​ന്നോ എ​ന്ന കാ​ര്യ​ത്തി​ലും വ്യ​ക്ത​ത വ​ന്നി​ട്ടി​ല്ല. ര​ണ്ടു മാ​സം മു​ന്‍​പ് ഭ​ര്‍​ത്താ​വി​ന്‍റെ അ​മ്മ​യെ ആ​ക്ര​മി​ച്ച കേ​സി​ല്‍ കു​ഞ്ഞി​നൊ​പ്പം ആ​തി​ര ആ​റു ദി​വ​സം റി​മാ​ന്‍​ഡി​ല്‍ ക​ഴി​യു​ക​യു​ണ്ടാ​യി. കു​ഞ്ഞി​നെ ഉ​പ​ദ്ര​വി​ച്ച​തി​ന് അ​മ്മ​യ്ക്കെ​തി​രെ മു​ത്ത​ശി നേ​ര​ത്തെ പോ​ലീ​സി​ല്‍ പ​രാ​തി ന​ല്‍​കി​യി​രു​ന്നു.

കു​ഞ്ഞ് മ​രി​ച്ച​ത് ശ്വാ​സം കി​ട്ടാ​തെ​യെ​ന്ന പോ​സ്റ്റ്മോ​ര്‍​ട്ടം റി​പ്പോ​ര്‍​ട്ടി​നെ തു​ട​ര്‍​ന്ന് കു​ട്ടി​യു​ടെ മാ​താ​പി​താ​ക്ക​ളെ​യും ബ​ന്ധു​ക്ക​ളെ​യും പോ​ലീ​സ് ചോ​ദ്യം ചെ​യ്ത​തി​ല്‍ നി​ന്നാ​ണ് സം​ഭ​വം കൊ​ല​പാ​ത​മാ​ണെ​ന്ന് സ്ഥി​രീ​ക​രി​ച്ച​ത്. കു​ട്ടി​യു​ടെ സം​സ്കാ​ര​ത്തി​ന് തൊ​ട്ടു​പി​ന്നാ​ലെ ഉ​ച്ച​യ്ക്ക് ആ​തി​ര​യെ ക​സ്റ്റ​ഡി​യി​ല്‍ എ​ടു​ത്തു. ഭ​ര്‍​ത്താ​വ് ഷാ​രോ​ണി​നെ​യും ഭ​ര്‍​തൃ മാ​താ​പി​താ​ക്ക​ളെ​യും സ്റ്റേ​ഷ​നി​ലേ​ക്ക് വി​ളി​പ്പി​ച്ചു. മൂ​ന്നു മ​ണി​ക്കൂ​ര്‍ നീ​ണ്ട ചോ​ദ്യം ചെ​യ്യ​ലി​ലാ​ണ് ആ​തി​ര കു​റ്റം​സ​മ്മ​തി​ച്ച​ത്.

ക​ഴി​ഞ്ഞ ദി​വ​സം, പു​തി​യ​കാ​വ് കൊ​ല്ലം​വ​ള്ളി കോ​ള​നി യി​ലാ​ണ് കു​ട്ടി​യെ വീ​ട്ടി​ലെ ക​ട്ടി​ലി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി​യ​ത്. അ​മ്മ​യു​ടെ നി​ല​വി​ളി കേ​ട്ട് ഓ​ടി​യെ​ത്തി​യ നാ​ട്ടു​കാ​രും ബ​ന്ധു​ക്ക​ളും ചേ​ര്‍​ന്നാ​ണ് കു​ട്ടി​യെ ആ​ശു​പ​ത്രി​യി​ലെ​ത്തി​ച്ച​ത്.