കുഞ്ഞുങ്ങളെ കുറിച്ച് ഇപ്പോൾ ചിന്തിക്കുന്നില്ല! ജീവിതം ആഘോഷിക്കുകയാണെന്ന് അലീന പടിക്കൽ

കല്യാണം കഴിഞ്ഞാൽ പൊതുവെ എല്ലാ ആളുകളും ചോദിക്കുന്ന ഒരു ചോദ്യമാണ് വിശേഷം ഒന്നും ആയില്ലേ എന്ന്. സെലിബ്രിറ്റികളുടെ കാര്യത്തില്‍ ആണെങ്കില്‍ ചോദിക്കലും പറയലും ഒന്നുമില്ല, നേരിട്ട് ഗോസിപ്പ് അങ്ങ് പ്രചരിപ്പിയ്ക്കലാണ്. അലീന പടിക്കല്‍ ഗര്‍ഭിണിയാണ് എന്ന ഗോസിപ്പുകള്‍ കല്യാണം കഴിഞ്ഞ് കുറച്ച് മാസങ്ങള്‍ കഴിയുമ്പോഴേക്കും വന്ന് തുടങ്ങിയിരുന്നു. ഇപ്പോഴിതാ തന്നെ കുറിച്ച് വന്ന ഗര്‍ഭ വാര്‍ത്തകളോട് പ്രതികരിയ്ക്കുകയാണ് നടി.

സോഷ്യൽമീഡിയയിൽ തന്റെ ഗർഭ വാർത്തകൾ അതിരുകടന്നപ്പോഴാണ് താരം മറുപടിയുമായെത്തിയത്. ഗര്‍ഭ വാര്‍ത്തകളില്‍ ഒന്നും യാതാെരു സത്യവും ഇല്ല എന്ന് റെഡ് കാര്‍പെറ്റ് ഷോയില്‍ വന്നപ്പോഴാണ് അലീന പടിക്കല്‍ വെളിപ്പെടുത്തിയത്. പുതിയ വിശേഷം ഒന്നും പറയാന്‍ ഇപ്പോള്‍ ആയിട്ടില്ല എന്നാണ് അലീന പറഞ്ഞത്.

എനിക്കും രോഹിത്തിനും ആദ്യം കുറച്ച് പക്വത വരട്ടെ. എന്നിട്ട് ആലോചിക്കാം അടുത്ത ആള്‍ വരുന്ന കാര്യം. ഇപ്പോള്‍ ജീവിതം പരമാവധി ആഘോഷിക്കാനാണ് ഞങ്ങളുടെ തീരുമാനം. രോഹിത്തും ഇപ്പോള്‍ ബിസിനസ്സില്‍ വലിയ തിരക്കിലാണെന്നും അലീന കൂട്ടിച്ചേർക്കുകയുണ്ടായി.

ഏഴ് വര്‍ഷം പ്രണയിച്ച ശേഷമാണ് കഴിഞ്ഞ ആഗസ്റ്റ് മാസത്തില്‍ രോഹിത്തിന്റെയും അലീന പടിക്കലിന്റെയും വിവാഹം കഴിഞ്ഞത്. രണ്ട് മതത്തില്‍ പെട്ടവരാണ് എന്നതായിരുന്നു നടുവിലെ പ്രശ്‌നം. വീട്ടുകാരുടെ സമ്മതത്തോടെ മാത്രമേ കല്യാണം കഴിക്കൂ എന്ന് ഇരുവരും തീരുമാനിച്ചിരുന്നുവത്രെ. കല്യാണം കഴിച്ച് തന്നില്‍ കുഴപ്പമൊന്നും ഇല്ല, പക്ഷെ മറ്റൊരു കല്യാണത്തിന് നിര്‍ബന്ധിക്കരുത്, അത് ഉണ്ടാവില്ല എന്ന ഡയലോഗില്‍ വീട്ടുകാര്‍ വീണു പോകുകയായിരുന്നു എന്നാണ് അലീന പറയുന്നത്.

കല്യാണ ശേഷവും ജീവിതത്തില്‍ യാതൊരു മാറ്റങ്ങളും ഇല്ല എന്ന് നടി പറയുന്നു. ഞങ്ങള്‍ നല്ല സുഹൃത്തുക്കളാണ്. രണ്ട് പേരും എതിര്‍ ദിശയില്‍ സഞ്ചരിക്കുന്നവരായത് കൊണ്ട് വഴക്ക് പോലും ഉണ്ടാവാറില്ല എന്നാണ് അലീന പറഞ്ഞത്. താന്റെ കരിയറുമായി മുന്നോട്ടു പോകുന്നതിലും രോഹിത്ത് എല്ലാ പിന്തുണയും നല്‍കുന്നുണ്ട് എന്നും നടി പറഞ്ഞു