ദില്ലി; കേന്ദ്രമന്ത്രി സ്മൃതി ഇറാനിയുടെ മകള്‍ക്കെതിരായ അനധികൃത ബാര്‍ നടത്തിപ്പ് ആരോപണത്തില്‍ ഇടപെട്ട് ഹൈക്കോടതി. അപകീര്‍ത്തികരമായ ട്വിറ്റുകള്‍ നീക്കം ചെയ്യണമെന്ന് കോണ്‍ഗ്രസ് നേതാക്കള്‍ക്ക് കോടതി നിര്‍ദ്ദേശം നല്‍കി. ജയറാം രമേഷ്, പവന്‍ ഖേര, നെട്ട ഡിസൂസ എന്നിവര്‍ക്കാണ് നിര്‍ദ്ദേശം. സ്മൃതി ഇറാനി നല്‍കിയ മാനനഷ്ടക്കേസില്‍ ഇവര്‍ക്ക് കോടതി സമന്‍സ് അയയ്ക്കുകയും ചെയ്തു. കേസ് ആഗസ്റ്റ് 18ന് വീണ്ടും പരിഗണിക്കും.
ഗോവയിലെ ‘സില്ലി സോള്‍സ് കഫേ ആന്‍ഡ് ബാര്‍’ കേന്ദ്രമന്ത്രിയുടെ കുടുംബമാണ് നിയന്ത്രിക്കുന്നതെന്നും മകള്‍ക്ക് ഇതില്‍ പങ്കുണ്ടെന്നും കോണ്‍ഗ്രസ് നേതാക്കള്‍ വാര്‍ത്താസമ്മേളനത്തിലൂടെ ആരോപിച്ചിരുന്നു. മരിച്ചയാളുടെ പേരില്‍ മന്ത്രിയുടെ മകള്‍ സോയിഷ് ഇറാനി ബാര്‍ ലൈസന്‍സ് സ്വന്തമാക്കിയെന്നും നേതാക്കള്‍ ആരോപണം ഉന്നയിച്ചു. എന്റെ മകള്‍ കോളേജ് വിദ്യാര്‍ഥിനിയാണെന്നും അവള്‍ ഒരു ബാറും നടത്തുന്നില്ലെന്നായിരുന്നു സ്മൃതി ഇറാനിയുടെ മറുപടി. പിന്നാലെ തന്റെ മകള്‍ക്കെതിരെ അപകീര്‍ത്തികരവുമായ വിവരങ്ങള്‍ പ്രചരിപ്പിക്കുന്നത് തടയണമെന്ന് ആവശ്യപ്പെട്ട് മന്ത്രി വക്കീല്‍ നോട്ടീസും അയച്ചു.
ചട്ടം ലംഘിച്ച് മദ്യ വില്‍പനയ്ക്ക് ലൈസന്‍സ് എടുത്തെന്ന് ചൂണ്ടിക്കാട്ടി എക്സൈസ് കമ്മിഷണര്‍ ‘സില്ലി സോള്‍സ് കഫേ ആന്‍ഡ് ബാറി’ന് കാരണംകാണിക്കല്‍ നോട്ടീസ് നല്‍കിയതോടെയാണ് സംഭവം വാര്‍ത്തകളില്‍ നിറയുന്നത്. ഈ ബാറിന് റെസ്റ്റോറന്റിന് ലൈസന്‍സ് ഇല്ലാത്ത സാഹചര്യം അറിഞ്ഞിട്ടും മദ്യ വില്‍പനയ്ക്ക് ലൈസന്‍സ് ലഭിച്ചെന്ന് പരാതിയില്‍ ആരോപിച്ചിരുന്നു. മെയ് മാസത്തില്‍ മരിച്ചയാളുടെ പേരില്‍ ജൂണില്‍ മദ്യവില്‍പ്പന ലൈസന്‍സ് പുതുക്കിയതായും കണ്ടെത്തിയിട്ടുണ്ട്.
ഹൈദരാബാദിൽ സംഘടിപ്പിച്ച കോൺഗ്രസിന്റെ ഭാരത് സമ്മിറ്റ് 2026-ൽ ഇറ്റാലിയൻ രാഷ്ട്രീയ നേതാവായ ജിയാക്കോമോ ഫിലിബെക്ക് 'വോട്ട് ചോർ, ഗദ്ദി ഛോഡ്'…
ലോകപ്രസിദ്ധമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായുള്ള പവിത്രമായ കാർത്തിക സ്തംഭം ഉയർത്തൽ ചടങ്ങ് ഭക്തിനിർഭരമായി പൂർത്തിയായി.…
മനുഷ്യനെ യഥാർത്ഥ മനുഷ്യനായി ജീവിക്കാൻ പ്രാപ്തനാക്കുന്ന മഹത്തായ അറിവാണ് ഭാരതത്തിന്റെ പവിത്രമായ വേദങ്ങൾ പകർന്നുനൽകുന്നതെന്നും, ആ വേദപഠനത്തെ സാധാരണക്കാരിലേക്ക് എത്തിക്കുന്ന…
ആചാരാനുഷ്ഠാനങ്ങളുടെ പുണ്യവും ദേശഭക്തിയുടെ ഊർജ്ജവും നിറഞ്ഞുനിൽക്കുന്ന ചക്കുളത്തുകാവ് ശ്രീഭഗവതി ക്ഷേത്രത്തിൽ പ്രസിദ്ധമായ കാർത്തിക സ്തംഭം ഉയർത്തുന്ന ചടങ്ങ് ഇന്ന് നടക്കും.…
ബെംഗളൂരുവിലെ പുതുതായി ഉദ്ഘാടനം ചെയ്ത പിങ്ക് ലൈൻ മെട്രോയിൽ പ്രധാനമന്ത്രി നരേന്ദ്ര മോദിക്കൊപ്പം നടത്തിയ യാത്രയ്ക്കിടെയുണ്ടായ രസകരമായ അനുഭവം പങ്കുവെച്ച്…
അണ്ടർ 19 ഏഷ്യാ കപ്പ് ക്രിക്കറ്റ് ഫൈനലിൽ പാക്കിസ്ഥാനെ പരാജയപ്പെടുത്തി ഇന്ത്യ കിരീടം സ്വന്തമാക്കിയതിന് പിന്നാലെ മകൻ ആര്യവീർ സേവാഗുമായുള്ള…