ലോക് സഭയിൽ അമിത് ഷാ – ഒവൈസി വാക്‌പോര്: പേ​ടി​പ്പി​ക്ക​രു​തെ​ന്ന് ഒ​വൈ​സി; പേ​ടി​യു​ണ്ടെ​ങ്കി​ൽ എ​ന്തു ചെ​യ്യാ​നാ​കു​മെ​ന്ന് അ​മി​ത് ഷാ

ദില്ലി: എ​ൻ​ഐ​എ ഭേ​ദ​ഗ​തി ബി​ല്ലി​ന്‍റെ ച​ർ​ച്ച​യ്ക്കി​ടെ ആ​ഭ്യ​ന്ത​ര​മ​ന്ത്രി അ​മി​ത് ഷാ​യും എ​ഐ​എം​ഐ​എം നേ​താ​വ് അ​സ​ദു​ദീ​ൻ ഒ​വൈ​സി​യും ത​മ്മി​ൽ ലോ​ക്സ​ഭ​യി​ൽ രൂ​ക്ഷ​മാ​യ വാക്‌പോര് . ബി​ജെ​പി എം​പി സ​ത്യ​പാ​ൽ സിം​ഗ് പ്ര​സം​ഗി​ക്ക​വെ ഒ​വൈ​സി തടസ്സപ്പെടുത്തിയിരുന്നു. ഇതാണ് അമിത് ഷായെ ചൊടിപ്പിച്ചത്.

ഒ​വൈ​സിയുടെ പ്രവർത്തിയെ കടുത്ത ഭാഷയിലാണ് അമിത് ഷാ വിമർശിച്ചത്. പ്ര​തി​പ​ക്ഷ നി​ര​യി​ലേ​ക്കു നോ​ക്കി അമിത് ഷാ കു​പി​ത​നാ​യി സംസാരിക്കവെ മ​റു​പ​ടി​യു​മാ​യി എ​ഴു​ന്നേ​റ്റ ഒ​വൈ​സി, പേ​ടി​പ്പി​ക്കാ​ൻ നോ​ക്കേ​ണ്ടെ​ന്നും ത​നി​ക്കു​നേ​രെ വി​ര​ൽ ചൂ​ണ്ട​രു​തെ​ന്നും ആ​വ​ശ്യ​പ്പെ​ട്ടു. എന്നാൽ നി​ങ്ങ​ളു​ടെ ഉ​ള്ളി​ൽ പേ​ടി ഉ​ണ്ടെ​ങ്കി​ൽ പി​ന്നെ ഞ​ങ്ങ​ൾ എ​ന്തു ചെ​യ്യാ​നാ​ണ് എ​ന്നാ​യി​രു​ന്നു ഉരുളക്കുപ്പേരി പോലെ അ​മി​ത് ഷാ​യു​ടെ മ​റു​പ​ടി.

ഒവൈസിയെക്കൂടാതെ കോൺഗ്രസും ഇന്ന് സഭയിൽ അമിത് ഷായുടെ വാക് ശരങ്ങൾക്കിരയായി. തീവ്രവാദം തടയുന്നതിന് നിലവിലുണ്ടായിരുന്ന പ്രിവന്‍ഷന്‍ ഓഫ് ടെററിസം ആക്ട് (പോട്ട) പിന്‍വലിച്ചതിന് മുന്‍ കോണ്‍ഗ്രസ് സര്‍ക്കാരിനെതിരെ അമിത് ഷാ രൂക്ഷ വിമര്‍ശനമാണ് ഉന്നയിച്ചത്. പോട്ട പിന്‍വിച്ചത് അതിന്റെ ദുരുപയോഗം കാരണമല്ല. മറിച്ച് വോട്ട് ബാങ്കിന് വേണ്ടിയാണെന്നും അമിത് ഷാ ആരോപിച്ചു.

പോട്ട പിന്‍വലിച്ചത് തീവ്രവാദ ആക്രമണങ്ങള്‍ വര്‍ധിക്കാന്‍ കാരണമായി. വര്‍ധിച്ച ഭീകരാക്രമണങ്ങള്‍ കാരണമാണ് മുംബൈ ഭീകരാക്രമണത്തിന് ശേഷം യു പി എ സര്‍ക്കാരിന് എന്‍ ഐ എ രുപീകരിക്കേണ്ടി വന്നതെന്നും അമിത് ഷാ പറഞ്ഞു. എന്‍ ഐ എ ഭേദഗതി ബില്ലിന് എല്ലാ പാര്‍ട്ടികളും പിന്തുണ നല്‍കണമെന്നും സഭയിലെ ഭിന്നാഭിപ്രായങ്ങള്‍ തീവ്രവാദികളെ സന്തോഷിപ്പിക്കുകയേ ഉള്ളുവെന്നും അമിത് ഷാ പറഞ്ഞു.