പ്രക്ഷോഭകോമരങ്ങൾ സൂക്ഷിച്ചോ…ഇവിടെ ഒരു പ്രശ്‌നവുമില്ല; അമിത് ഷാ

ദില്ലി: പൗരത്വ നിയമ ഭേഭഗതി വിഷയത്തില്‍ രാജ്യവ്യാപveക പ്രക്ഷോഭം ശക്തമാകുകയാണെന്ന വാദം തള്ളി കേന്ദ്രസര്‍ക്കാര്‍. രാജ്യത്താകെയുള്ള മുന്നൂറിലധികം യൂണിവേഴ്സിറ്റികളിലെ 22 ഇടത്ത് പ്രതിഷേധം ഉണ്ടായതുകൊണ്ട് അത് രാജ്യവ്യാപക പ്രതിഷേധമാകില്ലെന്ന് കേന്ദ്ര ആഭ്യന്തരമന്ത്രി അമിത് ഷാ പ്രതികരിച്ചു.

ജാമിഅ മില്ലിയയിലും അലിഗഡിലും ഉള്‍പ്പെടെ നാലിടത്ത് മാത്രമാണ് ശക്തം എന്ന് പറയാവുന്ന പ്രക്ഷോഭം ഉണ്ടായത്. ഒറ്റപ്പെട്ട ഈ പ്രതിഷേധങ്ങളെയാണ് രാജ്യവ്യാപക പ്രക്ഷോഭമാക്കി മാധ്യമങ്ങള്‍ ചിത്രീകരിക്കുന്നതെന്ന് അമിത് ഷാ പരിഹസിച്ചു. പൗരത്വ ഭേഭഗതി അനീതി നേരിട്ട വിഭാഗത്തിന്റെ മനുഷ്യവകാശ സംരക്ഷണത്തിനാണ്. നിയമം നടപ്പാക്കും എന്ന കാര്യത്തില്‍ ആര്‍ക്കും തര്‍ക്കം വേണ്ടെന്നും അമിത് ഷാ വ്യക്തമാക്കി.

അതിനിടെ ഞായറാഴ്ച ജാമിഅ മില്ലിയ യൂണിവേഴ്സിറ്റിയില്‍ നടന്ന പ്രക്ഷോഭത്തിന് പിന്നിലെ ഗൂഢാലോചന വാദത്തില്‍ ഉറച്ച് നില്‍ക്കുന്ന പൊലീസ് എഴുപേരെ പ്രതിചേര്‍ത്ത് പ്രഥമ വിവര പട്ടിക സമര്‍പ്പിച്ചു. മുന്‍ കോണ്‍ഗ്രസ് എംഎല്‍എ അസിഫ് ഖാന്‍, പ്രാദേശിക രാഷ്ട്രീയ പ്രവര്‍ത്തകരായ ആശു ഗവമി, മുസ്തഫ ഹൈദര്‍, ഐസ അംഗം ചന്ദന്‍ കുമാര്‍, എസ്ഐഒ നേതാവ് ആസിഫ് തന്‍ഹ, സിവൈഎസ്എസ് പ്രവര്‍ത്തകന്‍ കാസിം ഉസ്മാനി എന്നിവരുടെ പേരുകളാണ് പട്ടികയില്‍.